Krisha.kz تالداۋ قىزمەتىنىڭ حابارلاۋىنشا، پاتەردى ۇزاق مەرزىمگە جالعا بەرۋ قۇنى مونيتورينگ جۇرگىزىلگەن 13 قالانىڭ 8 ىندە ارزانداعان. قازان ايىندا ورتاشا جالعا بەرۋ قۇنى قىركۇيەكپەن سالىستىرعاندا 2,2 پايىز تومەندەگەن، دەپ حابارلايدى Kazinform.
قازان ايىنداعى باعانىڭ قۇلدىراۋى جاز مەزگىلىنەن باستالعان.
باعانىڭ ەڭ قاتتى ءوسۋى شىلدە- تامىز ارالىعىنا كەلدى. ول ۋاقىتتا اي سايىنعى جالعا الۋ قۇنى 4- 7 پايىز ءوستى.
ءبىر اي ىشىندە پاتەر جالداۋ قۇنى اقتوبەدە - 7 پايىز، پەتروپاۆلدا - 6 پايىز، اقتاۋ، قوستاناي، كوكشەتاۋدا - 5 پايىز، الماتى، قاراعاندىدا 4 پايىز جانە استانادا - 1 پايىز قۇرادى.
ال پاۆلودار، ورال، وسكەمەندە باعا ءبىرشاما ءوستى.
پاتەر جالداۋ قۇنى ەڭ قىمبات قالا - الماتى. وندا ورتاشا العاندا شارشى مەتر جەر 6 مىڭ تەڭگە بولادى. ەڭ ارزان باعا اقتاۋدا. وندا شارشى مەترىنە 2632 تەڭگە الادى.
باعانىڭ ءوسۋ قارقىنىن قاڭتار ايىنان باستاپ الىپ قارايتىن بولسا، 10,3 پايىز قىمباتتاعان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан