قازاقستاندا اسىراۋشىسىنان ايىرىلعان قانشا ادام بار؟

استانا. قازاقپارات - قازاقستاندا اسىراۋشىسىنان ايىرىلعان 157 مىڭنان اسا ادام بار. جىل باسىنان بەرى مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردى تولەۋگە رەسپۋبليكالىق بيۋدجەتتەن 457,1 ميلليارد تەڭگە جۇمسالدى. بۇعان قوسىمشا مەملەكەتتىك الەۋمەتتىك ساقتاندىرۋ قورىنان ەڭبەككە قابىلەتتىلىگىنەن ايىرىلۋ جانە اسىراۋشىسىنان ايىرىلۋ بويىنشا شامامەن 59,6 ميلليارد تەڭگە سوماسىنا الەۋمەتتىك تولەمدەر جۇزەگە اسىرىلدى.

2024 -جىلعى 1-قازانداعى جاعداي بويىنشا مۇگەدەكتىگى بويىنشا م ءا ج الۋشىلار سانى شامامەن 541,2 مىڭ ادام، اسىراۋشىسىنان ايىرىلۋ جاعدايى بويىنشا - شامامەن 157,9 مىڭ ادام.

مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا جانە سەبەبىنە، سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.

اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى قايتىس بولعان اسىراۋشىنىڭ اسىراۋىنداعى ادامداردىڭ سانىنا، قايتىس بولۋ سەبەپتەرىنە جانە ەڭ تومەن كۇنكورىس دەڭگەيىنە بايلانىستى بولادى.

بۇدان باسقا، مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تاۋەكەلدەر تۋىنداعان جاعدايدا م ءا س ق-تەن الەۋمەتتىك تولەمدەر جۇزەگە اسىرىلادى. ماسەلەن، 2024 -جىلعى 1-قازانداعى جاعداي بويىنشا 98,7 مىڭ ادام ەڭبەك ەتۋ قابىلەتىنەن ايىرىلۋ بويىنشا الەۋمەتتىك تولەم، ال 65,4 مىڭعا جۋىق وتباسى اسىراۋشىسىنان ايىرىلۋ بويىنشا الەۋمەتتىك تولەم الدى.

تولەمدەردىڭ مولشەرى جەكە جانە مىنالارعا بايلانىستى: سوڭعى 2 جىلدا م ءا س ق-عا الەۋمەتتىك اۋدارىمدار جۇرگىزىلگەن ورتاشا ايلىق تابىس، ەڭبەككە قابىلەتتىلىگىنەن ايىرىلۋ كوەففيتسيەنتتەرى، اسىراۋىنداعى ادامدار سانى، مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە تابىستى اۋىستىرۋ.

بۇل تولەمدەر رەسپۋبليكالىق بيۋدجەتتەن تولەنەتىن ۇقساس جاردەماقىلارعا قوسىمشا جۇزەگە اسىرىلادى.