قازاقستاندا ارمەنيانىڭ مادەنيەت كۇندەرى وتەدى

استانا. قۇازاقپارات - 15-16-قازان كۇندەرى استانا قالاسىندا قازاقستانداعى ارمەنيانىڭ مادەنيەت كۇندەرى وتەدى. مادەنيەت كۇندەرى اياسىندا ءبىرقاتار مادەني ءىس-شارالار جوسپارلانعان، دەپ مالىمدەدى ق ر مادەنيەت جانە اقپارات مينيسترلىگى.

ارميان كينوسى كۇندەرىنىڭ اشىلۋى استانا قالاسىنداعى «كينوپارك 7 IMAX كەرۋەن» كينوتەاترىندا وتەتىن «ارميان انيماتسياسىنىڭ سيقىرلى الەمى» انيماتسيالىق باعدارلاماسىمەن باستالادى. سونىمەن قاتار قازاقستاندىق كورەرمەندەرگە رەجيسسەر ارمان چيلينگارياننىڭ «جارىق تامشىلارى» كوركەم فيلمى ۇسىنىلادى.

مەرەكەلىك كونسەرت قاليبەك قۋانىشبايەۆ اتىنداعى قازاق ۇلتتىق مۋزىكالىق دراما تەاترىندا وتەدى. وندا ارمەنيانىڭ مەملەكەتتىك دجاز وركەسترى ونەر كورسەتەدى.

ايتا كەتسەك، ارمەنيانىڭ مەملەكەتتىك دجاز وركەسترى - 1938-جىلى قۇرىلعان ك س ر و- نىڭ العاشقى دجاز ۇجىمدارىنىڭ ءبىرى. ايگىلى مۋزىكانتتارىمەن، باي رەپەرتۋارىمەن تانىمال ۇجىم بۇگىندە الەمدەگى ەڭ ۇزدىك وركەسترلەردىڭ ءبىرى.

سونىمەن قاتار سەرگەي پارادجانوۆتىڭ 100 جىلدىق مەرەيتويىنا ارنالعان فوتوكورمە ۇيىمداستىرىلادى. كورمەدە سەرگەي پارادجانوۆ مۋزەيىنىڭ مۇراعاتىنان 45 فوتوسۋرەت ۇسىنىلادى. ونىڭ 20 سى بەلگىلى كينورەجيسسەردىڭ كۇندەلىكتى ءومىرى مەن شىعارماشىلىق ويلارىنا، ال 25 ءى كوركەم تۋىندىلارىنا ارنالعان.

16-قازاندا رەجيسسەر ەدگار باگداسارياننىڭ «ياشا ي لەونيد برەجنيەۆ» اتتى كوركەم فيلمى كورسەتىلەدى.

قازاقستانداعى ارمەنيانىڭ مادەنيەت كۇندەرى قاليبەك قۋانىشبايەۆ اتىنداعى قازاق ۇلتتىق مۋزىكالىق دراما تەاترىندا وتەتىن سوسا ساركيسيان اتىنداعى «امانگاين» مەملەكەتتىك تەاترىنىڭ «ليۋ-بەف» سپەكتاكلىمەن قورىتىندىلانادى.

ايتا كەتەيىكا، بۇگىن مەملەكەت باسشىسى ارمەنيا پرەمەر-ءمينيسترى نيكول پاشينيانمەن تەلەفون ارقىلى سويلەستى.