قازاقستاندا اقىلى جولدار كوبەيەدى

استانا. قازاقپارات - كولىك ءمينيسترى مارات قارابايەۆ اقىلى جولدار كوبەيەتىنىن مالىمدەدى.

ونىڭ ايتۋىنشا، قازىر ۇزىندىعى 3,2 مىڭ شاقىرىم بولاتىن 17 اقىلى جول جۇمىس ىستەپ تۇر، ال بىلتىر وسى جولداردان 48 ميلليارد تەڭگە جينالعان.

«بيىل جوندەۋ جۇمىستارى اياقتالعاننان كەيىن ۇزىندىعى 6,2 مىڭ شاقىرىم بولاتىن تاعى 29 ۋچاسكەدە اقىلى جول جۇيەسىن ەنگىزۋ جوسپارلانىپ وتىر. اقىلى جولداردان جينالاتىن قارجى 100 ميلليارد تەڭگەدەن اسادى»، - دەدى مينيستر سەناتتاعى ۇكىمەت ساعاتىندا.

قارابايەۆتىڭ ايتۋىنشا، بولاشاقتا بارلىق جولدى كۇتىپ ۇستاۋ، تەحنيكالار ساتىپ الۋ جانە الىنعان قارىزدار بويىنشا پايىز مولشەرلەمەلەرىن وتەۋ ماسەلەلەرى دە وسى جول ءجۇرۋ اقىسىنان تۇسكەن قاراجات ەسەبىنەن شەشىلۋى مۇمكىن.