قازاقستاندا التىن قانشا تۇرادى

استانا. KAZINFORM - التىننىڭ ءبىر گرامىنىڭ قۇنى 55325 تەڭگە شاماسىندا.

قازاقستان ۇلتتىق بانكىنىڭ مالىمەتىنشە، 5-ماۋسىمدا التىننىڭ گرامى 55324,92 تەڭگە بولادى.

وتكەن بەيسەنبى، 29-مامىردا اسىل مەتالدىڭ باعاسى شامامەن 54749 تەڭگەنى قۇراعان.

بۇعان دەيىن قازاقستان التىن قورى بويىنشا توپ-20 ەلدىڭ قاتارىنا ەنگەنىن جازعان بولاتىنبىز. سوڭعى 10 جىلدا ەلىمىزدە التىن كەنىن ءوندىرۋ 2,2 ەسە ارتتى.

دۇنيەجۇزىلىك التىن كەڭەسىنىڭ (World Gold Council) مالىمەتىنشە، 2025 -جىلدىڭ ءبىرىنشى توقسانىندا التىنعا جالپى سۇرانىس ءبىر جىلمەن سالىستىرعاندا %1 عا ءوسىپ، 1206 توننانى قۇرادى. بۇل - 2016 -جىلدان بەرى ءبىرىنشى توقسانداعى ەڭ جوعارى كورسەتكىش.

ورتالىق بانكتەر ءبىرىنشى توقساندا 244 توننا التىن ساتىپ الدى، بۇل الدىڭعى توقسانمەن سالىستىرعاندا از.

التىننان جاسالعان زەرگەرلىك بۇيىمدارعا سۇرانىس تا رەكوردتىق باعالار جاعدايىندا كۇرت تومەندەدى: كولەمى 2020 -جىلدان بەرگى ەڭ تومەنگى دەڭگەيگە جەتتى. ءوز كەزەگىندە، قۇندىق ماندە التىن زەرگەرلىك بۇيىمدارعا تۇتىنۋشىلىق شىعىندار ءبىر جىلمەن سالىستىرعاندا %9  عا ءوسىپ، 35 ميلليارد دوللارعا جەتتى.