قازاقستاندا العاش رەت ۇشتىك ايقاس بۇيرەك ترانسپلانتاتسياسى جاسالدى
استانا. KAZINFORM * وتاندىق مەديتسينا تاريحىندا تۇڭعىش ا. ن. سىزعانوۆ اتىنداعى ۇلتتىق عىلىمي حيرۋرگيا ورتالىعى بازاسىندا پروفەسسور بولاتبەك بايماحانوۆتىڭ جەتەكشىلىگىمەن ترانسپلانتولوگ دارىگەرلەر كومانداسى بۇيرەكتى ۇشتىك ايقاس ترانسپلانتاتسيا جاسادى.
- ءبىر كۇندە 12 ساعات بويى مەديتسينالىق كورسەتىلىمدەر بويىنشا تۋىس ەمەس پاتسيەنتتەر اراسىندا ءۇش دونورلىق وپەراتسيا جانە ءۇش بۇيرەكتى ترانسپلانتاتسيا جۇرگىزىلدى. ايقاس دونورلىق ءادىسىنىڭ ارقاسىندا ولاردىڭ ءارقايسىسى جاڭا ومىرگە مۇمكىندىك الدى. بۇيرەكتى ايقاس ترانسپلانتاتسيالاۋ ءبىر ۋاقىتتا بىرنەشە اعزانى اۋىستىرۋعا مۇمكىندىك بەرەدى جانە تۋىس ەمەس دونورلار مەن رەتسيپيەنتتەردىڭ اراسىندا جۇرگىزىلدى. باسقاشا ايتقاندا، تۋىسقان دونور جاقىن ادامىنا قان نەمەسە تىندىك ۇيلەسىمسىزدىككە بايلانىستى كومەكتەسە الماسا، دارىگەرلەر ۇقساس جاعدايى بار باسقا وتباسىن تابادى. ەگەر جۇپتار ءبىر- بىرىنە سايكەس كەلسە، ايىرباس جاسالادى جانە وتا جاساۋ مۇمكىن بولادى، - دەپ حابارلايدى دەنساۋلىق ساقتاۋ مينيسترلىگى.
اقپاراتتا ايتىلعانداي، قازاقستان بۇيرەك ترانسپلانتاتسياسى بويىنشا جوعارى تەحنولوگيالىق ارالاسۋ جۇرگىزىلىپ جاتقان الەمنىڭ التى ەلدىڭ قاتارىنا كىردى. ا ق ش، ۇلى بريتانيا، يزرايل، تۇركيا جانە ۇندىستانمەن قاتار ءبىزدىڭ ەلىمىز ترانسپلانتولوگيانىڭ دامۋىنىڭ جوعارى دەڭگەيىن كورسەتەدى. الەمدە 7 دونور مەن 7 رەتسيپيەنت قاتىسقان ەڭ ۇلكەن بۇيرەكتى اۋىستىرۋ 2019 -جىلى تۇركيادا جاسالعا.
- بۇل تاجىريبە - قازاقستاندىق ترانسپلانتولوگيانى دامىتۋدا ماڭىزدى. 2022 -جىلى «University medical center» كورپوراتيۆتىك قورىندا (استانا) العاش بالالارعا بۇيرەكتى ترانسپلانتاتسيا جاسالدى. ءبىر ساتتە 4 زالدا وتا جاسالدى، ال دونورلار جاس پاتسيەنتتەردىڭ انالارى بولدى. 2024 -جىلى ا. ن. سىزعانوۆ اتىنداعى ۇع ح و- دا پروفەسسور بايماحانوۆتىڭ جەتەكشىلىگىمەن العاش رەت ەرەسەك پاتسيەنتتەرگە بۇيرەكتى ترانسپلانتاتسيا جۇرگىزىلدى. ءساتتى جۇرگىزىلگەن وپەراتسيالاردان باستاپ باعدارلاماعا قاتىساتىن جۇپتاردىڭ سانى جىل سايىن ارتىپ كەلەدى. ەندى ەل تاريحىنداعى العاشقى ۇشتىك وپەراتسيا جاسالدى، - دەلىنگەن حابارلامادا.
وسىلايشا ۆەدومستۆو بۇگىندە ەلىمىزدە دونورلىق اعزالاردىڭ جەتىسپەۋشىلىگى كەزىندە بارلىق زاماناۋي بالامالار، ياعني الترۋيستىك دونورلىق، ا ۆ و- ۇيلەسىمسىز جانە بۇيرەكتى ايقاس ترانسپلانتاتسيا جاساۋ ەنگىزىلگەنىن حابارلاپ وتىر.
- بۇيرەكتى ترانسپلانتاتسيالاۋدىڭ قاجەتتىلىگى جانە گەمودياليزدەگى پاتسيەنتتەردىڭ كوبەيۋى جاعدايىندا ايقاس دونورلىق باعدارلاماسىن كەڭەيتۋ پاتسيەنتتەردىڭ ءومىرىن ساقتاپ قالۋ مەن ۇلتتىق ترانسپلانتولوگيانى دامىتۋداعى ماڭىزدى قادام، - دەيدى مينيسترلىكتەن.
ايتا كەتسەك، ناۋرىز ايىندا شىمكەنتتە ءبىر اپتادا ەكى بۇيرەك ترانسپلانتاتسياسى جاسالدى.
جىل باسىندا قازاقستاندا ترانسپلانتاتسيا جاسالاتىن ورگانعا ارنالعان اپپارات سىناقتان ءوتىپ جاتقانى تۋرالى حابارلاعان ەدىك.
ەسكە سالايىق، ەلىمىزدە ورتا ەسەپپەن العاندا 1 ميلليون ادامعا كەمىندە 10 ترانسپلانتاتسيا قاجەت. وسى ورايدا مەديتسينا عىلىمىنىڭ دوكتورى يۋري پيا ترانسپلانتاتسيا تەك مەديتسينا ماسەلەسى ەمەس، قوعامنىڭ ورتاق پروبلەماسى ەكەنىن ءمالىم ەتتى.