قازاقستاندا - 45 گرادۋس اياز بولجانىپ وتىر

استانا. KAZINFORM - ەلىمىزدىڭ كەيبىر وڭىرلەرىندە الداعى كۇندەرى (20-22-اقپاندا) اۋا تەمپەراتۋراسى - 45 گرادۋسقا دەيىن تومەندەيدى، دەپ حابارلايدى قازگيدرومەت.

جەتىسۋ وبلىسىندا اۋا تەمپەراتۋراسىنىڭ -30-35 گرادۋسقا دەيىن، شىعىس قازاقستان وبلىسىنىڭ سولتۇستىگى مەن شىعىسىندا - 45 گرادۋسقا دەيىن، قاراعاندى وبلىسىنىڭ سولتۇستىگى مەن شىعىسىندا -35 -39 گرادۋسقا دەيىن تومەندەيدى دەپ بولجاندى»، - دەپ حابارلايدى قازگيدرومەت.

باتىستا، وڭتۇستىكتە، شىعىستا جانە وڭتۇستىك-شىعىستا قار جاۋىپ، جاياۋ بۇرقاسىن بولادى. وڭتۇستىكتە، شىعىستا، وڭتۇستىك-شىعىستا جانە ورتالىقتا جەل كۇشەيەدى، وڭتۇستىك پەن وڭتۇستىك-شىعىستا تۇمان تۇسەدى.

اۆتور

زارينا تۋعانبايەۆا