23-24 - قاڭتاردا سولتۇستىك- باتىس تسيكلونىنىڭ اسەرىنەن ەلدىڭ شىعىس جانە وڭتۇستىك- شىعىس ايماقتارىندا قار جاۋادى. ال قالعان اۋماقتا جاۋىن- شاشىنسىز اۋا- رايى بولادى. رەسپۋبليكا بويىنشا بوران، كوكتايعاق، تۇمان، ەكپىندى جەل كۇتىلەدى.
ەلىمىزدىڭ سولتۇستىك جارتىسىنداعى اۋا تەمپەراتۋراسى تۇندە 20-30 گرادۋس اياز، جەكەلەگەن اۋدانداردا قاتتى اياز - 35 گرادۋس بولادى دەپ بولجانىپ وتىر. كۇندىز 13-20 گرادۋس اياز، ەلدىڭ ورتالىعى مەن شىعىسىندا 20-35، جەكەلەگەن وڭىرلەردە 40 گرادۋس قاتتى اياز، وڭتۇستىكتە تۇندە 15-25 گرادۋس، جەكەلەگەن اۋدانداردا 28 گرادۋس قاتتى اياز، كۇندىز 5-15 گرادۋس اياز بولۋى ىقتيمال.
ەسكە سالا كەتەيىك، بۇعان دەيىن 5 وبلىستا اۋا رايىنىڭ قولايسىزدىعىنا بايلانىستى مەكتەپ وقۋشىلارى ونلاين وقىتۋعا كوشكەنىن حابارلاعان ەدىك.