قازاقستاندا 4-5-شىلدەدە اۋا تەمپەراتۋراسى 43-47 گرادۋس دەيىن كوتەرىلەدى

استانا. KAZINFORM - «قازگيدرومەت» ر م ك سينوپتيكتەرى 4 جانە 5-شىلدەگە ارنالعان اۋا رايى بولجامىن جاريالادى.

سينوپتيكتەردىڭ بولجامى بويىنشا، قازاقستاننىڭ وڭتۇستىگىندە اۋا تەمپەراتۋراسى 43-47 گرادۋس دەڭگەيگە دەيىن كوتەرىلەدى.

مەتەورولوگتار رەسپۋبليكانىڭ باسىم بولىگىندە اۋا رايى تسيكلون جانە ونىمەن بايلانىستى اتموسفەرالىق فرونتالدى ۋچاسكەلەر ارقىلى انىقتالاتىنىن ايتتى.

وسىعان وراي 4-5-شىلدەدە ەلىمىزدىڭ سولتۇستىك-باتىسىندا، سولتۇستىگىندە جانە شىعىسىندا بۇرشاق ارالاس نوسەر جاڭبىر جاۋادى. تەك رەسپۋبليكانىڭ وڭتۇستىگى مەن وڭتۇستىك-شىعىسىندا اۋا رايى نەگىزىنەن قۇرعاق بولادى. سونداي-اق ەلىمىزدىڭ باتىسى مەن وڭتۇستىگىندە شاڭدى داۋىلمەن جەل كۇشەيەدى.

ەلىمىزدىڭ باسىم بولىگىندە تەرمومەتر كورسەتكىشتەرى كۇندىز 35 گرادۋس قاتتى قىزۋ بەلگىسىنە جەتەدى.

4-5-شىلدەدە رەسپۋبليكانىڭ ورتالىعىندا جانە شىعىسىندا 40-42 گرادۋس قاتتى ىستىق بولادى. رەسپۋبليكانىڭ وڭتۇستىگى مەن وڭتۇستىك-شىعىسىندا 35-40 گرادۋس ىستىق بولادى. كەيبىر اۋدانداردا 43-47 گرادۋس قاتتى ىستىق بولادى.

ايتا كەتەيىك، فرانسيادا اپتاپ ىستىقتان ەكى ادام قازا تاپتى.