قازاقستاندا 23-مامىر كۇنى وتەتىن ماڭىزدى شارالار اڭداتپاسى

استانا. قازاقپارات - «Kazinform» حالىقارالىق اقپارات اگەنتتىگى قازاقستاندا 23-مامىر كۇنى وتەتىن ماڭىزدى شارالار اڭداتپاسىن ۇسىنادى.

استانا

ساعات 10:00-دە «قازاقستان رەسپۋبليكاسىنداعى اۆتوموبيل جولدارىن سالۋ مەن پايدالانۋ: قازىرگى جاعداي، وزەكتى ماسەلەلەر مەن ولاردى شەشۋ جولدارى» اتتى تاقىرىپتا ۇكىمەت ساعاتى وتەدى.

10:00-دە ق ر پرەزيدەنتى ءىس باسقارماسىنىڭ جانىنداعى پارلامەنتاريزم ينستيتۋتى اتقارۋشىلىق ءوندىرىس رەفورماسى مەن جەكە سوت ورىنداۋشىلارىنىڭ جۇمىسىنىڭ نەگىزگى ماسەلەلەرى بويىنشا دوڭگەلەك ۇستەل ۇيىمداستىرادى.

11:30-دا ق ر پرەزيدەنتى جانىنداعى «ورتالىق كوممۋنيكاتسيالار قىزمەتى» «ازاماتتاردى باسپانامەن قامتاماسىز ەتۋ» تاقىرىبىندا باسپا ءسوز ءماسليحاتىن وتكىزەدى.

14:30-دا ق ر پرەزيدەنتى جانىنداعى «ورتالىق كوممۋنيكاتسيالار قىزمەتى «شومىلۋ ماۋسىمىنداعى قاۋىپسىزدىك شارالارى» اتتى تاقىرىپتا باسپا ءسوز ءماسليحاتىن وتكىزەدى.

16:00-دە ق ر ۇلتتىق قاۋىپسىزدىك كوميتەتىنىڭ شەكارا قىزمەتىنىڭ قولداۋىمەن «گەرالديكالىق زەرتتەۋلەر ورتالىعى» ر م ب ۇيىمداستىرعان «مەنىڭ قازاقستانىم» اتتى اكسيا اياسىندا اقپاراتتىق - تانىمدىق سەمينار ۇيىمداستىرىلادى.

الماتى

15:00-دە «شەكاراسىز سۋرەتتەر» اتتى فوتوكورمە اشىلادى. وندا جاس قازاقستاندىقتاردىڭ كوزقاراسى وبەكتيۆ ارقىلى كورىنىس تابادى.