قازاقستاندا 2024-جىلى 33 ميلليارد تەڭگەنىڭ استىعى ساتىلدى
استانا. KAZINFORM - ازىق-تۇلىك كورپوراتسياسى جىل باسىنان بەرى 33 ميلليارد تەڭگەگە جۋىق قارجىعا 300 مىڭ توننادان استام استىق ساتقان.
قۇس جانە مال شارۋاشىلىقتارى، قايتا وڭدەۋ كاسىپورىندارى ءداستۇرلى استىقتى ساتىپ الۋشىعا اينالدى، دەپ حابارلايدى ق ر ا ش م باسپا ءسوز قىزمەتى.
ساتىلعان استىقتىڭ جالپى كولەمىنىڭ 80 مىڭ تونناسى ەكسپورتقا ساتىلدى.
ۇلتتىق كومپانيا جىل باسىنان بەرى قىتايعا ءبيداي، ارپا جانە زىعىر تۇقىمىن جەتكىزۋ بويىنشا 11 ەكسپورتتىق كەلىسىمشارت جاساسقان. ازىق-تۇلىك كورپوراتسياسىنىڭ اعىمداعى رەزەرۆتەرى ىشكى جانە سىرتقى نارىقتاعى ساۋدا كولەمىن ارتتىرۋعا مۇمكىندىك بەرەدى. قازىرگى ۋاقىتتا 1,2 ميلليون توننا استىق قورى بار.
ازىق-تۇلىك كورپوراتسياسى كولەمدەردى ساتۋدان تۇسكەن قاراجاتتى نەسيەلەر بويىنشا پايىزداردى وتەۋگە جانە جاڭا ونىمنەن جىل سايىنعى استىق ساتىپ الۋعا جۇمساۋدى جوسپارلاپ وتىر. بۇل استىق پەن جەم-شوپتىڭ تۇراقتى رەزەرۆتىك قورىن قاجەتتى كولەمدە جاڭارتۋ ءۇشىن قاجەت.
ايتا كەتەيىك، ازىق-تۇلىك كورپوراتسياسى تاۋار بيرجاسىندا بيرجالىق ساۋدا ارقىلى استىق ساتۋدى جالعاستىرۋدا.