قازاقستانعا قاي ەلدەن ەڭبەك ميگرانتى كوپ كەلگەن؟

استانا. قازاقپارات - كەيىنگى 8 جىلدا ەڭبەك ميگرانتارىنا بەرىلەتىن كۆوتا سانى ءۇش ەسە ازايدى. 2016 -جىلى 60 مىڭ كۆوتا بەرىلسە، قازىر جىلىنا 21 مىڭداي بەرىلەدى.

ال بىلتىرعا قاراعاندا 0,23 پايىزعا از. بۇگىندە ەل اۋماعىندا 14 مىڭنان اسا شەتەل ازاماتى ەڭبەك ەتىپ ءجۇر. ولارعا كۆوتا بىرنەشە سانات بويىنشا بەرىلەدى. ياعني ءبىرىنشى سانات - باسشىلار مەن ولاردىڭ ورىنباسارلارىنا 235 كۆوتا ءبولىندى. سونداي-اق بۇلاردىڭ قاتارىندا 1670 قۇرىلىمدىق بولىمشەلەر باسشىسى، 3648 مامان جانە 437 بىلىكتىلىگى جوعارى مامان بار.

بۇدان بولەك ماۋسىمدىق جۇمىستارعا 2000-عا جۋىق جۇمىسشى شاقىرىلىپ، كورپوراتيۆتىك قاجەتتىلىك بويىنشا 1775 ادام شەتەلدەن اۋىسىپ كەلدى.

ەڭبەك ميگرانتتارىنىڭ سانى بارلىعى - 14184

باسشىلار مەن ولاردىڭ ورىنباسارلارى - 235

قۇرىلىمدىق بولىمشەلەر باسشىلارى - 1670

ماماندار - 3648

بىلىكتىلىگى جوعارى ماماندار - 437

ماۋسىمدىق جۇمىسشىلار - 1930

كورپوراتيۆتىك قاجەتتىلىك بويىنشا - 1775

ءمادي ءالجان، ق ر ە ح ا ق م كوشى- قون كوميتەتى باسقارماسىنىڭ باسشىسى:

- 2016 -جىلمەن سالىستىرعاندا كۆوتا، قازىرگى كۆوتا ءۇش ەسە ازايدى. بىزدە قازىرگى تاڭدا، قازاقستان رەسپۋبليكاسى ازاماتتارىنىڭ بىلىكتىلىگى جوعارىلاپ، شەتەلدىڭ تەحنولوگياسىن مەڭگەرىپ، ىشكى نارىقتا وزدەرى جۇمىس ىستەپ جاتىر. نەگىزىنەن شەتەلدىكتەر تاۋ-كەن جانە قارجىلىق سالالاردا جۇمىس اتقارىپ جاتادى.

ەڭبەك ميگرانتتارىنىڭ سانى بويىنشا قىتاي كوش باستاپ تۇر. بيىل شىعىستاعى كورشىمىزدەن 2804 ادام جۇمىس ىستەۋگە كەلدى. ال قازاقستاندا ەڭبەك ەتىپ جۇرگەن وزبەكستاندىقتار سانى 2 مىڭعا جۋىقتايدى. سونداي- اق قازىر ەلدە 880 تۇركيا ازاماتى مەن 781 ءۇندىستان ازاماتى تەر توگىپ ءجۇر. ەڭبەك ميگرانتتارى كوپ كەلگەن ەلدەر

قىتاي - 2804

وزبەكستان - 1996

تۇركيا - 880

ءۇندىستان - 781