استانا. KAZINFORM - فۋتبولدان ۇلتتار ليگاسىندا قازاقستانمەن ءبىر توپتا وينايتىن نورۆەگيا قۇراماسى 3-تۋردا سلوۆەنيانى 3:0 ەسەبىمەن ويسىراتا ۇتتى. ويىندا دۋبل جاساعان ەرلينگ حولاند 90 جىلدىق تاريحى بار رەكوردتى جاڭارتتى، - دەپ حابارلايدى msports.kz سايتى.
ويىندا ەكى گول سوققان ەرلينگ حولاند نورۆەگيا قۇراماسى تاريحىنداعى ەڭ ۇزدىك سۇرمەرگەن اتاندى. 36 ماتچتا 34 گول سوعىپ، 90 جىل بۇرىنعى رەكوردتى باسىپ وزدى. بۇعان دەيىن نورۆەگيا قۇراماسىندا يەرگەن يۋۆە ۇزدىك سۇرمەرگەن ەدى. 33 گول سوققان ويىنشى 1937-جىلى مانسابىن اياقتاعان.
ەرلينگ حولاند سلوۆەنياعا قارسى ويىندا كاپيتان بولىپ الاڭعا شىقتى. بۇعان دەيىن كاپيتان قىزمەتىن مارتين ەدەگور اتقارۋشى ەدى. ول جاراقاتىنا بايلانىستى بىرەر الاڭعا شىعا المايدى.
ايتا كەتەيىك، نورۆەگيا قازاقستانمەن ۆ ديۆيزيونىنداعى ءبىر توپتا. حولاند باستاعان قۇراما ءبىرىنشى ويىنىن الماتىدا قازاقستان قۇراماسىنا قارسى وتكىزىپ، 0:0 ەسەبىمەن تەڭ تارقاسقان ەدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.