قازاقستانعا چەحيادان كەرقۇلان اكەلۋ 2029 -جىلعا دەيىن جالعاسادى

استانا. KAZINFORM - ەكولوگيا جانە تابيعي رەسۋرستار مينيسترلىگى كەرقۇلاندى قايتا جەرسىندىرۋ جۇمىستارى جالعاساتىنىن ءمالىم ەتتى.

ۆيتسە-مينيستر نۇركەن شاربيەتىڭ سوزىنشە، ءبىر كەزدەرى كەرقۇلان اقتوبە، قوستاناي، قاراعاندى، اقمولا، شىعىس قازاقستان، الماتى، قىزىلوردا، جامبىل، تۇركىستان سياقتى 9 وڭىردە تىرشىلىك ەتكەن.

- كەرقۇلان جابايى تابيعاتتان 1960 -جىلداردىڭ اياعىنا قاراي جويىلىپ كەتتى. مينيسترلىكتىڭ حالىقارالىق ۇيىمدارمەن بايلانىسى ارقاسىندا 2024 -جىلدىڭ ماۋسىم ايىندا جانە 2025 -جىلى پراگا زووباعىنان 14 باس قۇلان (12 بيە، 2 ايعىر) قوستاناي وبلىسىنىڭ «التىن دالا» رەزەرۆاتىنا اكەلىنگەن بولاتىن. 2029 -جىلعا دەيىن 40 باس كەرقۇلان اكەلۋ كوزدەلىپ وتىر، - دەدى ول سەنات كوميتەتىنىڭ وتىرىسىندا.

ونىڭ ۇستىنە 2024 -جىلى «ىلە-بالقاش» جانە «التىن دالا» رەزەرۆاتتارىنا قۇلان جىبەرىلگەن.

- بۇل جانۋارلاردى رەزەرۆاتقا جىبەرۋ ارقىلى قازاقستان ەكوجۇيەسىنە جەرسىندىرۋگە بولادى. 1950-60 -جىلدارى تۇرىكمەنستاننان 14 باس قۇلان اكەلىنگەن بولاتىن. قازىر ولاردىڭ سانى 4614-كە جەتتى، - دەدى نۇركەن شاربيەۆ.

بۇعان دەيىن سولتۇستىك قازاقستان وبلىسىنا ەۋروپا ەلدەرىنەن، كەرقۇلان جەتكىزۋ ماسەلەلەرى قاراستىرىلىپ جاتقانىن جازعان ەدىك.

اۆتور

ەسىمجان ناقتىباي