قازاقستانعا 38 گرادۋس اياز كەلە جاتىر
16:42, 14 - اقپان 2024
استانا. KAZINFORM - قازگيدرومەت ماماندارى 15-17- اقپانعا ارنالعان ءۇش كۇندىك اۋا رايى بولجامىن جاريالادى.
سولتۇستىك-باتىستان اركتيكالىق انتيتسيكلون قازاقستان اۋماعىنا جىلجيدى. ءسويتىپ رەسپۋبليكانىڭ كوپ بولىگىن بىرتىندەپ قامتيدى.
ول ايازدى اۋا رايىن اكەلەدى.
15- اقپان - شىعىستا، 16- اقپان - ەلىمىزدىڭ وڭتۇستىك-شىعىسىندا اتموسفەرالىق فرونتتاردىڭ اسەرىنەن جاۋىن-شاشىن، كەي ۋاقىتتا قاتتى جاۋىن-شاشىن (جاڭبىر، قار) جاۋادى.
كوكتايعاق، بۇرقاسىن سوعادى.
باتىستا اۋا تەمپەراتۋراسى تۇندە 12-30 ايازعا دەيىن، سولتۇستىك-باتىستا، سولتۇستىكتە جانە ورتالىقتا 30-38 ايازعا دەيىن، 16- اقپان شىعىستا 18-35 ايازعا دەيىن، وڭتۇستىكتە 10-30 ايازعا دەيىن، 17- اقپاندا وڭتۇستىك-شىعىستا 15-28 ايازعا دەيىن سۋىتادى.