«قازاقستان» تەلەراديوكورپوراتسياسى «Qazaqstan» ۇلتتىق تەلەارناسىنان شىعاتىن جوبالار مەن «تاڭشولپان» تاڭعى اقپاراتتى-سازدى باعدارلاماسىنىڭ جۇرگىزۋشىلەرىنە كاستينگ جاريالايدى.
بايقاۋعا قازاق ءتىلىن جەتىك مەڭگەرگەن 25-35 جاس ارالىعىنداعى قىز-جىگىتتەر قاتىسا الادى.
ۇمىتكەرلەر ءوزى تۋرالى مالىمەتتەردى (تۇيىندەمە، فوتوسۋرەت، ۆيدەو) 2021-جىلعى 30- شىلدەگە دەيىن casting@qazaqstan.tv ەلەكتروندى پوشتاسىنا جىبەرۋى ءتيىس.
كاستينگ قاتىسۋشىلارىنىڭ تەلەۆيزيالىق تاجىريبەسى بولۋى قاجەت.
تاڭداۋ ەكى كەزەڭ بويىنشا جۇرگىزىلەدى. ونلاين تۇردە وتەتىن العاشقى كەزەڭدە ۇمىتكەرلەر جىبەرگەن مالىمەتتەر تولىق قارالادى.
ىرىكتەۋدەن وتكەندەر تامىز ايىندا ەكىنشى كەزەڭگە شاقىرتۋ الىپ، ارنايى قۇرىلعان شىعارماشىلىق توپ الدىندا باق سىنايدى.
قوسىمشا سۇراقتار بويىنشا: 87021819291.