قازاقستان-يتاليا قاتىناسىن ىلگەرىلەتۋگە ەشقانداي كەدەرگى بولماۋى ءتيىس - پرەزيدەنت

استانا. KAZINFORM - قازاقستان-يتاليا قاتىناسىن ىلگەرىلەتۋگە ەشقانداي كەدەرگى بولماۋى ءتيىس. بۇل تۋرالى اقوردادا يتاليا پرەمەر- ءمينيسترى دجوردجا مەلونيمەن كەڭەيتىلگەن قۇرامداعى كەلىسسوز بارىسىندا مەملەكەت باسشىسى قاسىم-جومارت توقايەۆ ايتتى.

- قازىر عانا ءتۇرلى ماسەلەلەرگە، ەكىجاقتى ءوزارا قارىم-قاتىناسىمىزعا جانە حالىقارالىق كۇن تارتىبىنەە قاتىستى وتە بايىپتى كەلىسسوز بولدى. بۇل كوپتەگەن سالاداعى ءبىزدىڭ ەكىجاقتى ءوزارا قارىم- قاتىناسىمىزعا تىڭ سەرپىن بەرەرىنە سەنىمدىمىن، - دەدى پرەزيدەنت.

مەملەكەت باسشىسىنىڭ دەرەگىنشە، يتاليا قازاقستانننىڭ ساۋدا سەرىكتەستەرى اراسىندا ءۇشىنشى، ال ەۋروپا وداعى ەلدەرى اراسىندا ءبىرىنشى ورىندا تۇر. وتكەن جىلى ەكى ەلدىڭ اراسىنداعى تاۋار اينالىمى 20 ميلليارد دوللارعا جەتتى. بۇل كولەمدى ارتتىرا تۇسۋگە دە ايتارلىقتاي الەۋەت بار.

- ارينە، نارىعىمىزدا كوپتەگەن يتاليالىق كومپانيانىڭ تابىستى جۇمىس ىستەۋىن جوعارى باعالايمىز. ۇكىمەتىمىزگە ءمالىم جانە سىزدەردىڭ كومپانيالارىڭىزعا بەلگىلى ءبىر جەڭىلدىكتەر بەرەتىن بولامىز. نارىعىمىزدا ولاردا قانداي دا ءبىر ماسەلە بولسا، ماعان ايتساڭىز. ءبىز شەشىمىن تابامىز. اراسىمىزداعى ءوزارا قارىم- قاتىناستى ىلگەرىلەتۋگە ەشقانداي كەدەرگى بولماۋى ءتيىس، - دەدى قاسىم-جومارت توقايەۆ.

ايتا كەتەيىك، قاسىم-جومارت توقايەۆ اقوردادا يتاليا پرەمەر-ءمينيسترى دجوردجا مەلونيمەن شاعىن قۇرامدا كەلىسسوز جۇرگىزگەن ەدى.

كەشە ەلوردادا «يتاليا - قازاقستان» ىسكەرلىك فورۋمى ءوتىپ، ەكى ەلدىڭ ۇيىمدارى جالپى سوماسى 180 ميلليون ەۋرو بولاتىن 10 مەموراندۋمعا قول قويدى.

ال بۇگىن تۇستەن كەيىن مەملەكەتتەر باسشىلارىنىڭ قاتىسۋىمەن ءبىرىنشى «ورتالىق ازيا - يتاليا» ءسامميتى وتەدى.