قازاقستان-وزبەكستان جوعارى مەملەكەتارالىق كەڭەسى ەكى ەل سەرىكتەستىگىن كەڭەيتەدى - شاۆكات ميرزيەۆ
استانا. KAZINFORM - قازاقستان-وزبەكستان جوعارى مەملەكەتارالىق كەڭەسى ەكى ەل سەرىكتەستىگىن كەڭەيتەدى. بۇل تۋرالى اقوردادا ءوتىپ جاتقان قازاقستان-وزبەكستان جوعارى مەملەكەتارالىق كەڭەسىنىڭ ءبىرىنشى وتىرىسىندا وزبەكستان پرەزيدەنتى شاۆكات ميرزيەۆ ايتتى.
«قادىرلى قاسىم-جومارت كەمەل ۇلى! دەلەگاتسيا مۇشەلەرى! قوناقجاي قازاق ەلىندە دەلەگاتسيامىزعا كورسەتىلىپ جاتقان قۇرمەت ءۇشىن جانە ءبىر رەت العىسىمدى ايتامىن. بۇل ساپارىمىز حالىقتارىمىز اراسىنداعى ەجەلگى تاتۋ كورشى ءارى دوستىقتىڭ بەلگىسى، ستراتەگيالىق سەرىكتەستىكتىگىمىزدى سان جاعىنان جاڭا كەزەڭگە كوتەرەدى دەسەم، اسىرە ايتقاندىق ەمەس. بۇگىن جوعارى مەملەكەتارالىق كەڭەستىڭ ءبىرىنشى وتىرىسىن اشىپ بەرۋدەمىز. ەكى جاقتى قارىم-قاتىناستارىمىز ءۇشىن بۇل ەلەۋلى وقيعا سەرىكتەستىگىمىزدى ودان ارى كەڭەيتۋگە، دوس ءارى تۋىسقان حالىقتارىمىزدىڭ وركەندەۋىنە قىزمەت ەتەدى»، - دەپ اتاپ ءوتتى ءوز كەزەگىندە وزبەكستان پرەزيدەنتى.
اۆتور
مارلان جيەمباي