قازاقستان ۆولەيبول قۇراماسى پاراليمپيادادا فرانسيانى جەڭدى
پاريج. KAZINFORM - ۆولەيبولدى وتىرىپ ويناۋدان ۇلتتىق قۇراما پاريج-2024 پاراليمپيادا ويىندارىن جەڭىسپەن باستادى.
XVII جازعى پاراليمپيادا ويىندارىنىڭ توپتىق كەزەڭىندەگى العاشقى ماتچىندا قازاقستاننىڭ ۆولەيبولدى وتىرىپ ويناۋدان قۇراماسى فرانسيانىڭ كومانداسىن 3:0 ەسەبىمەن جەڭدى.
ەسكە سالا كەتسەك، پاريج پاراليمپياداسىنا 8 كوماندا قاتىسادى جانە ولار ەكى توپقا بولىنگەن.
ا توبىندا قازاقستان، فرانسيا، بوسنيا جانە مىسىر وينايدى. ال «B» توبىندا يران، ۋكراينا، برازيليا جانە گەرمانيا قۇرامالارى باق سىنايدى.
قازاقستان قۇراماسىنىڭ كەلەسى ويىنى 31 -تامىزدا استانا ۋاقىتىمەن 17:00- دە باستالادى.
پاريج پاراليمپياداسىنا ۆولەيبولدى وتىرىپ ويناۋدان ۇلتتىق قۇراما 28 جىلدان كەيىن العاش رەت قاتىسىپ وتىر.
ايتا كەتسەك، 29 -تامىزدا پاراتايەكۆوندودان قازاقستاندىق ميلانا كراساۆتسيەۆا جۇبانىش كەزدەسۋىندە مىسىرلىق سپورتشىعا ەسە جىبەرىپ، جارىس جولىن ەرتە اياقتادى.
قازاقستان قۇراماسىنىڭ سپورتشىلارى پاريج پاراليمپياداسىنا سپورتتىڭ 9 تۇرىنەن 33 ليتسەنزيا جەڭىپ الدى.
جارىس 28 -تامىز بەن 8 -قىركۇيەك ارالىعىندا وتەدى.
ەسكە سالساق، قازاقستان پاراسپورتشىلارى بۇعان دەيىن پاراليمپيادا ويىندارىندا 2 التىن، 4 كۇمىس، 1 قولا مەدال ولجالاعان بولاتىن.
اۆتور
ءادىلجان ۇمبەت