قازاقستان ۇ و ك بوكس باسەكەسىندەگى كەيبىر تورەشىلەردىڭ ءىس-ارەكەتىنە كۇمان كەلتىردى
پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا قازاقستان ۇلتتىق وليمپيادالىق كوميتەتى قازاقستاندىق بوكسشىلاردىڭ جەكپە-جەگىندە جۇمىس ىستەگەن كەيبىر تورەشىلەردىڭ قىزمەتىنە كۇمان كەلتىرەتىنىن مالىمدەپ، PBU- عا (Paris boxing Unit) جۇگىندى.
سونىمەن قاتار، كەيبىر تورەلىك كەزىندەگى ءبىرجاقتىلىققا نازار اۋدارۋدى سۇرادى.
وليمپيادا ويىندارىنداعى بوكس باسەكەسىن ۇيىمداستىرۋشىلار بۇل ەسكەرتۋگە نازار اۋدارىپ، اتالعان جاعدايعا قاتىستى زەرتتەۋ جۇرگىزۋگە ۋادە بەردى. اتالعان تورەشىلەرگە قاتىستى ءىس قوزعالدى.
وسى ورايدا، بۇل ءىس-شارانىڭ جەكپە-جەكتەر ناتيجەسىنە اسەر ەتپەيتىنىن ەسكەرۋ كەرەك. ەرەجەگە سايكەس، اياقتالعان جەكپە-جەكتەر ناتيجەسى قايتا قارالمايدى. الايدا، تورەشىلەردىڭ ءوز قىزمەتىندە قاتەلىك جىبەرگەنى دالەلدەنسە، ولار قىزمەتتەن شەتتەتىلۋى مۇمكىن.
اۆتور
كۇنسۇلتان وتارباي