قازاقستان UEFA ۇلتتار ليگاسىنىڭ جەرەبەسىندە ءبىرىنشى سەبەتكە ءتۇستى

استانا. KAZINFORM - فۋتبولدان قازاقستان قۇراماسى 2026/27-جىلعى UEFA ۇلتتار ليگاسىنىڭ جەرەبەسىندە س ليگاسىنىڭ ءبىرىنشى سەبەتىنە ەندى.

بۇل جونىندە قازاقستان فۋتبول فەدەراتسياسى ءمالىم ەتتى.

جەرەبە تارتۋ ءراسىمى 2026-جىلى 12-اقپاندا بريۋسسەلدە قازاقستان ۋاقىتىمەن 22:00 دە باستالادى.

جاڭا ماۋسىمدا 54 ۇلتتىق قۇراما ءتورت ليگاعا بولىنەدى. قازاقستان س ليگاسىندا ءبىرىنشى سەبەتتە يسلانديا، البانيا جانە چەرنوگوريا قۇرامالارىمەن بىرگە ورنالاسقان.

ەرەجەگە سايكەس، س ليگاسىندا ءتورت قۇرامادان تۇراتىن ءتورت توپ قۇرىلادى. ءار قۇراما توپتىق كەزەڭدە التى ماتچ وتكىزەدى: ونىڭ ۇشەۋى ۇيدە، قالعان ۇشەۋى سىرت الاڭدا. ۋەفا ۇلتتار ليگاسىنىڭ توپتىق كەزەڭى ماتچتارى 2026-جىلى قىركۇيەك ايىندا باستالادى.

ماتچتار التى تۋرعا بولىنگەن: حالىقارالىق تەرەزەلەر قىركۇيەك جانە قازان ايلارىندا، سونداي-اق قاراشادا بولادى.

توپ جەڭىمپازدارى جوعارى ليگاعا كوتەرىلۋ ءۇشىن تالاسسا، ال سوڭعى ورىن العان كوماندالار ءوز ورنىن ساقتاپ قالۋ ءۇشىن پلەي-وفف ماتچتارىن وتكىزەدى.

2026/27 -جىلعى uefaۇلتتار ليگاسىنىڭ بارلىق سەبەتى:

A ليگاسى

1 سەبەت: پورتۋگاليا، يسپانيا، فرانسيا، گەرمانيا

2 سەبەت: يتاليا، نيدەرلاند، دانيا، حورۆاتيا

3 سەبەت: سەربيا، بەلگيا، انگليا، نورۆەگيا

4 سەبەت: ۋەلس، چەحيا، گرەكيا، تۇركيا

B ليگاسى

1 سەبەت: شوتلانديا، ۆەنگريا، پولشا، يزرايل

2 سەبەت: شۆەيتساريا، بوسنيا جانە گەرتسەگوۆينا، اۋستريا، ۋكراينا

3 سەبەت: سلوۆەنيا، گرۋزيا، يرلانديا، رۋمىنيا

4 سەبەت: شۆەتسيا، سولتۇستىك ماكەدونيا، سولتۇستىك يرلانديا، كوسوۆو

C ليگاسى

1 سەبەت: يسلانديا، البانيا، چەرنوگوريا، قازاقستان

2 سەبەت: فينليانديا، سلوۆاكيا، بولگاريا، ارمەنيا

3 سەبەت: بەلارۋس، فارەر ارالدارى، كيپر، ەستونيا

4 سەبەت: لاتۆيا نەمەسە گيبرالتار، ليۋكسەمبۋرگ نەمەسە مالتا، مولدوۆا، سان- مارينو

D ليگاسى

1 سەبەت: ازەربايجان، ليتۆا، گيبرالتار نەمەسە لاتۆيا، مالتا نەمەسە ليۋكسەمبۋرگ

2 سەبەت: ليحتەنشتەين، اندوررا\

ەسكە سالساق، بۇدان بۇرىن قازاقستان فۋتبول فەدەراتسياسىنىڭ كەڭسەسىندە قازاقستان پرەمەر-ليگاسى 2026-جىلعى ماۋسىمىنىڭ كۇنتىزبەسىن جاساۋعا قاتىستى جەرەبە تارتۋ ءراسىمى ءوتتى.