قازاقستان تۇرمەلەرىندە ناماز وقيتىن بولمەلەر نەگە قاراستىرىلماعان
استانا. KAZINFORM - ىشكى ىستەر مينيسترلىگىنەن Kazinform ساۋالىنا جولداعان جاۋاپتا تۇزەتۋ مەكەمەلەرىندە ءدىني راسىمدەردى ورىنداۋعا قالاي جاعداي جاسالىپ جاتقانىن ايتتى.
- ءى ءى م-نىڭ 2014 -جىلعى 14-تامىزداعى بۇيرىعىمەن بەكىتىلگەن «باس بوستاندىعىنان ايىرۋعا سوتتالعانداردىڭ ءدىني جورالاردى ورىنداۋى ءۇشىن جاعدايلار جاساۋ جونىندەگى نۇسقاۋلىق» تالاپتارىنا سايكەس سوتتالعاندارعا وزدەرىنىڭ ءارتۇرلى ءدىني سەنىمدەرىنە قاتىستى سالت-جورالاردى مەكەمەنىڭ كۇن تارتىبىمەن كوزدەلگەن جەكە ۋاقىتتا ءوزىنىڭ ۇيىقتايتىن ورنىنىڭ جانىندا جەكە ورىنداۋعا رۇقسات ەتىلەدى. بۇل ماقساتقا ارنايى ورىن-جاي بولىنبەيدى، - دەپ جازادى مينيسترلىكتەگىلەر.
بۇل ماسەلە قىلمىستىق-اتقارۋ كودەكسىنىڭ ارنايى بابىمەن دە رەتتەلگەن.
- قىلمىستىق-اتقارۋ كودەكسىنىڭ 97-بابىنا سايكەس، سوتتالعانداردىڭ ءدىني جورالاردى ورىنداۋى مەكەمە قىزمەتىنە كەدەرگى كەلتىرمەۋى، ىشكى ءتارتىپتى بۇزباۋى، سونداي-اق جازالارىن وتەپ جاتقان باسقا ادامداردىڭ قۇقىقتارى مەن زاڭدى مۇددەلەرىن شەكتەمەۋى ءتيىس، - دەپ جازىلعان مينيسترلىك جاۋابىندا.
بۇعان دەيىن قازاقستان تۇرمەلەرىندەگى 1 مىڭنان استام ايەل راقىمشىلىققا ءىلىنۋى مۇمكىن ەكەنىن جازعان ەدىك.
اۆتور
ەسىمجان ناقتىباي