قازاقستان تايلاندپەن ۆيزاسىز رەجيم تۋرالى كەلىسىمدى بەكىتتى

استانا. KAZINFORM - ەتالوندىق باقىلاۋ بانكى پورتالىندا قازاقستاننىڭ تايلاندپەن ۆيزاسىز رەجيم تۋرالى كەلىسىمدى بەكىتۋى تۋرالى قۇجات جوباسى ورنالاستىرىلعان.

«2024 -جىلعى 23-ساۋىردە بانگكوكتا جاسالعان قازاقستان رەسپۋبليكاسىنىڭ ۇكىمەتى مەن تايلاند كورولدىگىنىڭ ۇكىمەتى اراسىنداعى ۇلتتىق پاسپورتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىم بەكىتىلسىن»، - دەلىنگەن قۇجاتتا.

ۇكىمەت قاۋلىسى قول قويىلعان كۇننەن باستاپ قولدانىسقا ەنگىزىلەدى.

«ءبىر تاراپ مەملەكەت ازاماتتارى، قولدانىلۋ مەرزىمى كەمىندە 6 ايدان كەم بولماۋعا ءتيىس جارامدى جول ءجۇرۋ قۇجاتتارىنىڭ يەلەرى، ەكىنشى تاراپ مەملەكەتىنىڭ اۋماعىنا كەلۋ، ودان كەتۋ، ترانزيتپەن ءوتۋ، وندا ۋاقىتشا بولۋ ءۇشىن كەلگەن كۇنىنەن باستاپ كۇنتىزبەلىك 30 كۇننەن اسپايتىن، كۇنتىزبەلىك 180 كۇندىك ءار كەزەڭ ىشىندە جيىنتىعى كۇنتىزبەلىك 90 كۇن بولاتىن كەزەڭگە ۆيزالىق تالاپتاردان بوساتىلادى»، - دەپ تۇسىندىرىلگەن جوبادا.

اۆتور
داۋلەت ىزتىلەۋ