قازاقستان تاياۋ شىعىستاعى احۋالعا بايلانىستى مالىمدەمە جاسادى
استانا. KAZINFORM - قازاقستان رەسپۋبليكاسى سىرتقى ىستەر مينيسترلىگىنىڭ تاياۋ شىعىستاعى احۋالدىڭ كۇردەلەنۋىنە بايلانىستى مالىمدەمە جاسادى.
- ا ق ش-تىڭ يرانعا قارسى سوڭعى اسكەري ارەكەتتەرىنىڭ ناتيجەسىندە الەمنىڭ ءبىزدىڭ بولىگىندە ورنالاسقان مەملەكەتتەردىڭ قاۋىپسىزدىگى ءۇشىن قاتەرلى سالدارى بار حالىقارالىق جاعدايدىڭ كۇرت ناشارلاۋى بايقالىپ وتىر. قازاقستان كاسپي ماڭى ەلدەرىنىڭ توبىنا كىرەدى جانە يرانمەن ءتۇرلى سالالارداعى ىنتىماقتاستىقتى دامىتۋدا. مەملەكەتىمىز بارلىق كەلىسپەۋشىلىكتەردى، ونىڭ ىشىندە يادرولىق ماسەلەلەردى ب ۇ ۇ جارعىسى نەگىزىندە كەلىسسوزدەر جۇرگىزۋ ارقىلى شەشۋ قاجەت دەپ سانايدى، - دەلىنگەن حابارلامادا.
مينيسترلىك بارلىق مۇددەلى ەلدەردى يادرولىق قارۋدىڭ تارالۋىنا جول بەرمەۋ جانە حالىقارالىق باقىلاۋمەن تاراتپاۋ رەجيمىن ۇستاناتىن مەملەكەتتەردىڭ قاۋىپسىزدىگىنە كەپىلدىكتەر بەرۋ ماقساتىندا كەلىسىمدى جاقىن ارادا ازىرلەۋگە شاقىراتىنىن جازدى.
ەسكە سالا كەتەيىك، ا ق ش يراننىڭ يادرولىق نىساندارىنا سوققى جاساپ، ترامپ وپەراتسيانى ءساتتى دەپ اتادى.
ارتىنشا دونالد ترامپ يراننىڭ ۋران بايىتۋ نىساندارىن تولىقتاي جويعانىن مالىمدەدى.