قازاقستان ت م د ءۇشىن وتباسىلىق-تۇرمىستىق زورلىق-زومبىلىق تۋرالى مودەلدىك زاڭ ازىرلەيدى
استانا. KAZINFORM - قازاقستان پارلامەنتىنىڭ سەناتى ت م د پارلامەنتارالىق اسسامبلەياسىنا قاتىسۋشى ەلدەر ءۇشىن وتباسىلىق-تۇرمىستىق زورلىق-زومبىلىققا قارسى ءىس-قيمىل تۋرالى مودەلدىك زاڭ قۇراتىن بولادى.
سەنات سپيكەرى ماۋلەن اشىمبايەۆتىڭ باستاماسىن بۇگىن سانكت-پەتەربۋرگتە وتكەن كەڭەس وتىرىسىندا ت م د پ ا ا مۇشەلەرى قولدادى.
- قازاقستان وتباسىلىق-تۇرمىستىق زورلىق-زومبىلىققا قارسى ءىس-قيمىلدى جانە ونىڭ الدىن الۋدى زاڭنامالىق رەتتەۋدە ايتارلىقتاي تاجىريبە جيناقتادى. ەل پرەزيدەنتى قاسىم-جومارت توقايەۆتىڭ باستاماسىمەن وسى جىلدىڭ ءساۋىر ايىندا ايەلدەر مەن بالالاردىڭ قۇقىقتارىن قورعاۋدى كۇشەيتۋ تۋرالى زاڭ قابىلداندى. سوندىقتان قازاقستان پارلامەنتىنىڭ سەناتى ت م د ەلدەرى ءۇشىن ءتيىستى مودەلدىك زاڭ ازىرلەۋ تۋرالى باستاما كوتەردى. اعىمداعى جىلدىڭ سوڭىنا دەيىن سەنات ءتيىستى زاڭنامالىق اكتىنىڭ جوباسىن پارلامەنتارالىق اسسامبلەيانىڭ قاراۋىنا ەنگىزەدى، وسىلايشا بۇل مودەلدىك زاڭدى كەيىننەن ت م د - نىڭ باسقا ەلدەرىنىڭ پارلامەنتتەرى وزدەرىنىڭ زاڭ شىعارۋ قىزمەتىندە پايدالانا الادى، - دەدى ماۋلەن اشىمبايەۆ.
پالاتانىڭ باسپا ءسوز قىزمەتى ق ر پارلامەنتى سەناتىنىڭ ءتوراعاسى دەپۋتاتتار توبىمەن بريكس جانە پارلامەنتتىك فورۋمنىڭ قورىتىندى وتىرىستارىنا جانە ت م د- عا قاتىسۋشى مەملەكەتتەردىڭ پارلامەنتارالىق اسسامبلەياسى كەڭەسىنىڭ وتىرىسىنا قاتىستى. دوستاستىق ەلدەرىنىڭ دەپۋتاتتارى حالىقارالىق كۇن تارتىبىندەگى وزەكتى ماسەلەلەردى قاراستىرىپ، 2023-جىلى ت م د پ ا ا جۇمىسىن قورىتىندىلادى.