استانا. KAZINFORM - قىتايدا وتەتىن IX قىسقى ازيا ويىندارىنا قاتىساتىن قازاقستاندىق سپورتشىلاردىڭ فورماسىن دايىنداۋعا ەل بيۋدجەتىنەن قاراجات بولىنگەن جوق. بۇل تۋرالى تۋريزم جانە سپورت ءمينيسترى ەربول مىرزابوسىنوۆ ءمالىم ەتتى.
- سپورتشىلاردىڭ فورماسى ۇيىمداستىرۋ كوميتەتىمەن كەلىسىلىپ، قىسقى وليمپيادا ستاندارتتارىنا ساي، ياعني حاربيننىڭ اۋا رايىنا ساي تىگىلدى. سپورتشىلار، باسقا دا سپورت ماماندارى تاراپىنان جاقسى قابىلداندى. سپورتتىق كيىم دەمەۋشىلەردىڭ تاراپىنان تىگىلىپ، سىيلىق رەتىندە بەرىلىپ وتىر - دەدى ەربول مىرزابوسىنوۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.
وسىلايشا، مينيستر سپورتشىلاردىڭ فورماسىن دايىنداۋعا بيۋدجەتتەن قارجى بولىنبەگەنىن ايتىپ وتىر.
Фото: ҚР Туризм және спорт министрлігіايتا كەتەيىك، قىسقى ازيا ويىندارىندا قازاقستان سپورتشىلارى 51 مەدال جيىنتىعى ءۇشىن كۇرەسەدى.
ايتۋلى سپورت باسەكەسىندە ەلىمىزدىڭ نامىسىن 138 سپورتشى قورعايدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.