استانا. KAZINFORM - قازاقستاندىق جۇزۋشىلەر ۆەنگريانىڭ بۋداپەشت قالاسىندا ءوتىپ جاتقان قىسقا قاشىقتىققا جۇزۋدەن الەم چەمپيوناتىندا ەل رەكوردىن جاڭارتۋدى جالعاستىرىپ جاتىر. بۇل تۋرالى ۇلتتىق وليمپيادالىق كوميتەت مالىمدەدى.
11- جەلتوقساندا سپورتشىلارىمىز 4*50 مەترلىك ارالاس ەستافەتادا جاڭا رەكورد جاسادى.
ادەلايدا پچەلينتسيەۆا، ادىلبەك مۋسين، گلەب كوۆالەنيا جانە كسەنيا يگناتوۆا ەستافەتانى 1:42.20 ۋاقىتتا اياقتادى.
ايتا كەتەيىك، بۇعان دەيىن قازاقستان رەكوردىن سوفيا سپودارەنكو (50 مەتر باتتەرفلياي) جانە ەرلەر قۇراماسى 4*100 مەتر ەركىن ستيلدەگى ەستافەتادا جاڭارتقان ەدى.
وسكەمەن قالاسىندا ۆولەيبولدان ايەلدەردىڭ ۇلتتىق ليگا كوماندالارى اراسىندا قازاقستان چەمپيوناتى ەكىنشى تۋرىنىڭ ويىندارى اياقتالعانىن جازعان بولاتىنبىز.
Ризабек Нүсіпбекұлы
«Қазақ тілі мен әдебиеті» мамандығының магистрі.
2009 жылдан бері "ҚазАқпарат" Халықаралық ақпарат агеніттігінде қызмет атқарады.
"ҚазАқпарат" Халықаралық ақпарат агенттігін дамытуға қосқан үлесі үшін және еліміздің ақпарат саласына сіңірген еңбегі үшін «Күміс бітікші» медалінің иегері.
Халықаралық, Республикалық жыр мүшәйраларының жүлдегері.