قازاقستان پرەزيدەنتى ءۇندىستان پرەمەر-مينيسترىنە كوڭىل ايتۋ جەدەلحاتىن جولدادى
16:55, 12 - ماۋسىم 2025
استانا. KAZINFORM - پرەزيدەنت ۇشاق اپاتىنا بايلانىستى ءۇندىستان پرەمەر-مينيسترىنە كوڭىل ايتۋ جەدەلحاتىن جولدادى. بۇل تۋرالى اقوردا ءمالىم ەتتى.
- مەملەكەت باسشىسى قاسىم-جومارت توقايەۆ ءۇندىستان پرەمەر-ءمينيسترى نارەندرا موديگە احمەداباد قالاسى اۋەجايىنىڭ ماڭىندا بولعان جولاۋشىلار ۇشاعى اپاتىنان كوپتەگەن ادامنىڭ قازا تابۋىنا بايلانىستى كوڭىل ايتتى. قازاقستان پرەزيدەنتى اۋە اپاتىنان قايتىس بولعان ازاماتتاردىڭ وتباسىلارى مەن جاقىندارىن سابىرعا شاقىرىپ، جاراقات العانداردىڭ تەزىرەك ساۋىعىپ كەتۋلەرىنە تىلەكتەستىك ءبىلدىردى، - دەلىنگەن حابارلامادا.
ەسكە سالا كەتەيىك، بۇعان دەيىن بورتىندا 240 ادام بولعان Air India ۇشاعى اپاتقا ۇشىراعانىن جازعان ەدىك.