قازاقستان پرەزيدەنتى ازەربايجان حالقىن ۇلتتىق مەرەكەسىمەن قۇتتىقتادى
استانا. KAZINFORM - مەملەكەت باسشىسى ازەربايجان پرەزيدەنتىنە قۇتتىقتاۋ جەدەلحاتىن جولدادى. قاسىم-جومارت توقايەۆ يلحام اليەۆتى جانە ازەربايجان حالقىن ۇلتتىق مەرەكەسى - تاۋەلسىزدىك كۇنىمەن قۇتتىقتادى.
- ازەربايجاننىڭ مەملەكەتتىلىگى مەن حالىقارالىق بەدەلىن نىعايتۋ ىسىندەگى تاڭقالارلىق جەتىستىكتەرى وسى تاريحي داتانىڭ ءمان-ماڭىزىن ارتتىرا تۇسەدى. قازاقستان باۋىرلاس ازەربايجاننىڭ قول جەتكىزگەن تابىستارىنا زور ىقىلاسپەن تىلەۋلەستىك تانىتىپ، دوستىق پەن ءوزارا قولداۋ رۋحىنداعى سان قىرلى ىنتىماقتاستىقتى تەرەڭدەتۋگە ەرەكشە نازار اۋدارادى. قازاق-ازەربايجان ستراتەگيالىق سەرىكتەستىگى مەن وداقتاستىعى تۋىسقان حالىقتاردىڭ ءوسىپ-وركەندەۋى جولىندا بەكي تۇسەتىنىنە سەنىمدىمىن، - دەپ جازىلعان جەدەلحاتتا.
قاسىم-جومارت توقايەۆ يلحام الييەۆكە جالپىۇلتتىق كوشباسشى رەتىندە تابىس، ال باۋىرلاس ازەربايجان حالقىنا بەيبىتشىلىك، باق-بەرەكە تىلەدى.
اۆتور
جانات قاپالبايەۆا