قازاقستان رەسەيگە ەدىل سۋىن بىرلەسىپ رەتتەۋ تۋرالى ۇسىنىس جاساماقشى

استانا. KAZINFORM - سۋ رەسۋرستارى جانە يرريگاتسيا ءمينيسترىنىڭ ءبىرىنشى ورىنباسارى بولات بەكنياز ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا رەسەيگە كاسپيدى قورعاۋ بويىنشا جاڭا ۇسىنىسپەن شىعاتىندارىن ايتتى.

- وكىنىشكە قاراي، ەدىل وزەنى ترانسشەكارالىق وزەنگە جاتپايدى. ءبىز تەك جايىق جانە باسقا وزەندەر بويىنشا عانا رەسەيمەن كەلىسىمشارتتار، ارنايى جۇمىس توپتارى بار. ەدىلگە كەلسەك، كاسپي سۋىنىڭ 80 پايىزىن بەرىپ وتىرعانى شىن. ءبىز رەسەي تاراپىنا ۇسىنىسپەن شىعايىق دەپ وتىرمىز. ەدىل وزەنى بويىنشا بىرىككەن جۇمىس توبىن قۇرىپ، ءارى قاراي سول جۇمىس توبى ارقىلى جۇمىستى جالعاستىرامىز، - دەدى ول.

ۆيتسە-مينيستر اتالعان ۇسىنىستى جىلدىڭ ءۇشىنشى جارتىسىنا دەيىن ازىرلەيتىندەرىن ايتادى.

- بۇل ماسەلە بويىنشا ارادا كەلىسىمشارتتاردى باستاۋ ءۇشىن زاڭنامالىق قۇقىق كەرەك. وسى جىلدىڭ ءۇشىنشى توقسانىندا رەسەيمەن بىرىككەن جۇمىس توبىنىڭ وتىرىسى بولادى. ۇسىنىستى سول كەزدە ايتامىز دا، سولاردىڭ شەشىمىن كۇتەمىز، - دەدى بولات بەكنياز.

ال اقتاۋلىق گەولوگ قوسارباي قوجاحمەتتىڭ سوزىنشە، كاسپي سۋى تابيعي تەربەلىس بويىنشا 50 جىل جوعارىلاپ، 50 جىل كەرى كەتەدى.

اۆتور

ەسىمجان ناقتىباي