استانا. KAZINFORM - قىتايدىڭ حاربين قالاسىندا ءوتىپ جاتقان 2025 -جىلعى ازيا ويىندارىندا كونكيمەن جۇگىرۋ سپورتىنان ەرلەر اراسىنداعى كوماندالىق سپرينت جارىسى اياقتالدى.
قازاقستان قۇراماسى اتىنان التاي جاردەمبەك ۇلى، نيكيتا ۆاجەنين جانە ارتۋر گاليەۆ سىنعا ءتۇستى. وتانداستارىمىز جالپى ەسەپتە ءتورتىنشى ورىن الدى.
التىن مەدالدى قىتاي سپورتشىلارى جەڭىپ السا، كۇمىس وڭتۇستىك كورەياعا بۇيىردى. جاپونيا قۇراماسى ءۇشىنشى ورىندى مىسە تۇتتى.
ەسكە سالا كەتەيىك، بۇعان دەيىن ايەلدەر اراسىندا 3000 مەترگە سىرعاناۋدان نادەجدا موروزوۆا جۇلدەگە ءبىر تابان جەتپەي قالعان ەدى.
ال، شاڭعىشى ولجاس كليمين قولا جۇلدەگە قول جەتكىزىپ، ەل قورجىنىنا توعىزىنشى جۇلدەنى سالدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан