قازاقستان قۇراماسىنىڭ فۋتبولشىلارى ازەربايجان قۇراماسىمەن جاسىل الاڭدا جولىعادى

استانا. KAZINFORM - فۋتبولدان قازاقستان قۇراماسى ەريەۆان قالاسىنا ۇشىپ كەلدى.

ۇلتتىق قۇراما ويىنشىلارى ەرتەڭ ساعات 20:50-دە ارمەنيامەن جولداستىق كەزدەسۋ وتكىزەدى. ماتچتى Qazsport تەلەارناسى تىكەلەي ەفيردەن كورسەتەدى.

ارمەنياداعى ويىننان كەيىن قازاقستان 11-ماۋسىم كۇنى ماجارستانداعى سومباتحەي قالاسىندا ازەربايجان قۇراماسىمەن جاسىل الاڭدا جولىعادى.

وقۋ- جاتتىعۋ جيىنى بارىسىندا ەل قۇراماسى ساپىنان يسلام چەسنوكوۆ (اياق جاراقاتى)، الەكساندر زۋيەۆ، بەكحان شايزادا (ەكەۋى دە – ج رۆ ي) كەتۋگە ءماجبۇر بولدى. كوماندانىڭ ءۇشىنشى قاقپاشىسى رەتىندە «قايرات» ويىنشىسى دانيل ۋستيمەنكو شاقىرتىلدى.

ەسكە سالا كەتەيىك، ستانيسلاۆ چەرچەسوۆتىڭ فۋتبولدان قازاقستان قۇراماسىنىڭ باس باپكەرى قىزمەتىنە تاعايىندالعانىن جازعان ەدىك.

ايتا كەتسەك، قۇراما تىزگىنىن ۇستاعان رەسەيلىك مامان ەريەۆانداعى ويىنعا قاتىسپايدى. وعان دەيىن فۋتبولشىلاردى ۋاقىتشا رۋسلان بالتيەۆ جاتتىقتىرىپ، ەرتەڭگى ويىنعا باستاپ شىعادى.

اۆتور

ابىلايحان جۇماشيەۆ