قازاقستان قۇراماسى ازيا چەمپيوناتىندا تاريحي ناتيجە كورسەتتى

استانا. KAZINFORM - فيليپپيننىڭ نيۋ-كلارك-سيتي قالاسىندا سۋ سپورتى تۇرلەرىنەن ءوتىپ جاتقان XI ازيا چەمپيوناتىندا قازاقستان قۇراماسى جۇزۋدەن تاريحي كورسەتكىشكە قول جەتكىزدى.

سپورتتى دامىتۋ ديرەكتسياسىنىڭ باسپا ءسوز قىزمەتى ءمالىم ەتكەندەي، شەشۋشى جارىس كۇنى قازاقستاندىق سپورتشىلار تاعى 6 التىن، 1 كۇمىس، 1 قولا مەدال جەڭىپ الدى. جەڭىمپازدار مەن جۇلدەگەرلەر:

فوتو: سپورتتى دامىتۋ ديرەكسياسى/تۇرلىجان ايتەنوۆ

ا توبى:

ادىلبەك مۋسين، 50 م باتتەرفلياي - التىن

كسەنيا يگناتوۆا، شالقالاي ءجۇزۋ 200 م - التىن

سوفيا سپودارەنكو، 50 م باتتەرفلياي - التىن

ديانا تاسجانوۆا، شالقالاي ءجۇزۋ 200 م - كۇمىس

فوتو: سپورتتى دامىتۋ ديرەكسياسى/تۇرلىجان ايتەنوۆ

ۆ توبى:

ەگور پوپوۆ، شالقالاي ءجۇزۋ 200 م - التىن

سوفيا ابۋباكيروۆا، 50 م باتتەرفلياي - التىن

ماكسيم سكازوبتسوۆ، 50 م باتتەرفلياي ءادىسى - التىن

ارسەن قوجاحمەتوۆ، 200 م براسس - قولا

دانيل چەرەپانوۆ، 100 م ەركىن ستيل - قولا

ءتورت كۇنگە سوزىلعان جارىس قورىتىندىسى بويىنشا قازاقستان قۇراماسى 20 التىن، 11 كۇمىس، 5 قولا جۇلدەمەن جالپى كوماندالىق ەسەپتە ەكىنشى ورىنعا يە بولدى. ال جالپى ەسەپتە جاپونيا قۇراماسى كوش باستادى. ودلاردىڭ ەنشىسىندە 36 التىن، 20 كۇمىس، 15 قولا مەدال بار.

فوتو: سپورتتى دامىتۋ ديرەكسياسى/تۇرلىجان ايتەنوۆ

تاعى ءبىر اتاپ وتەرلىگى، قازاقستان قۇراماسىنىڭ جۇزگىشتەرى ازيا چەمپيوناتىنىڭ 14 رەكوردىن جانە قازاقستاننىڭ 3 رەكوردىن ورناتتى.

وسىلايشا سۋ سپورتى تۇرلەرىنىڭ ءجۇزۋ تۇرىنەن باسەكە اياقتالدى. ەندى 1-ناۋرىز كۇنى سۋعا سەكىرۋشىلەر اراسىنداعى باسەكەلەر ءوز مارەسىنە جەتەتىن بولادى. سۋ سپورتىنىڭ بۇل تۇرىنەن قازىر قازاقستان قورجىندا 1 التىن، 3 كۇمىس جانە 1 قولا مەدال بار.

ال 2-6-ناۋرىز ارالىعىندا كوركەم جۇزۋدەن جارىس وتسە، 3-9-ناۋرىز ارالىعىندا سۋ دوبىنىڭ شەبەرلەرى ءوزارا ۇزدىكتەردى انىقتايدى.

 

اۆتور

كۇنسۇلتان وتارباي