قازاقستان قارجىگەرلەرى قاۋىمداستىعىنىڭ ساراپشىسى التىن باعاسىنىڭ وسۋىنە قاتىستى پىكىر ءبىلدىردى

استانا. KAZINFORM - دۇنيە جۇزىندەگى التىن باعاسىنىڭ كوتەرىلۋى ءبىرقاتار ەلگە قاۋىپ تۋدىرۋى مۇمكىن. ورتالىق بانكتەر قازىردەن باستاپ قورىن ينفلياتسيادان قورعاۋ ءۇشىن باعالى مەتالدار ساتىپ الىپ جاتىر. ولاردىڭ قاتارىندا قازاقستان دا بار.

قازاقستان قارجىگەرلەرى قاۋىمداستىعىنىڭ باس ساراپشىسى رامازان دوسوۆتىڭ پىكىرىنشە، دونالد ترامپ قاتاڭ ساۋدا ساياساتىنىڭ ارقاسىندا ا ق ش پرەزيدەنتى بولىپ قايتا سايلانسا، ورتالىق بانكتەردە ينفلياتسيا ءوسۋى مۇمكىن. ءبىراق ادەتتە ەلدەر ۆاليۋتا باعامىنىڭ اۋىتقۋىنا، قارجىلىق داعدارىستارعا جانە ساياسي سانكسيالارعا بايلانىستى تاۋەكەلدەردى ازايتۋ ءۇشىن وزدەرىنىڭ التىن- ۆاليۋتا قورىن بەلسەندى تۇردە تولىقتىرادى.

سونىمەن قاتار مۇنداي كاپيتال بەلگىلى ءبىر كەزەڭدەردە شەتەل ۆاليۋتاسىنا دەگەن قاجەتتىلىكتى قاناعاتتاندىرۋ ءۇشىن پايدالانىلۋى مۇمكىن. ساراپشى بۇل ساياساتتى ورىندى دەپ سانايدى.

- التىن باعاسىنىڭ ءوسۋ تەندەنسياسى قىمبات مەتالدى ونەركاسىپتە تۇتىنۋدىڭ وسۋىنە (زەرگەرلىك بۇيىمدار وندىرىسىندە جانە باسقا سالالاردا) جانە ورتالىق بانكتەردىڭ رەزەرۆتەردى قالىپتاستىرۋىنا، سونداي-اق الەمدىك نارىقتاعى جالپى تۇراقسىز جاعدايعا بايلانىستى بولادى»، - دەدى ول.

قازاقستان دا حالىقارالىق جاعدايدى باقىلاپ وتىر. جىل باسىنان بەرى ەلدىڭ التىن- ۆاليۋتا اكتيۆتەرى قۇرىلىمىنداعى التىن كولەمى 19,7 دوللاردان 22,4 ميلليارد دوللارعا دەيىن ءوستى. الايدا مەتالعا سۇرانىستىڭ ارتۋىنا بايلانىستى ونىڭ باعاسى دا كوتەرىلدى.

«التىن باعاسىنىڭ ءوسۋى اياسىندا قازاقستاننىڭ ۇلتتىق بانكى جوعارى ۇلەسىن ازايتۋ جانە التىن- ۆاليۋتا اكتيۆتەرىن بولۋدە تەپە- تەڭدىك ساقتاۋ ساياساتىن جالعاستىرۋ اياسىندا التىندى ەركىن اينالىمداعى ۆاليۋتالارعا كەزەڭ- كەزەڭىمەن ساتۋدا»، - دەپ اتاپ ءوتتى ر. دوسوۆ.

World Gold Council ەسەبىنشە قازاقستان رەزەرۆىندەگى التىننىڭ ۇلەسى 2022 -جىلدىڭ باسىنداعى % 68 كورسەتكىشپەن سالىستىرعاندا % 58 - دى قۇرايدى.

اۆتور

ەركەجان سماعۇلوۆا