قازاقستان نىسانا كوزدەۋدەن تاعى ءبىر وليمپيادا جولداماسىنا قول جەتكىزدى

قازاقستاندىق كونستانتين مالينوۆسكي نىسانا كوزدەۋدەن پاريج وليمپياداسىنىڭ جولداماسىنا قول جەتكىزدى، دەپ حابارلايدى Kazinform.

ۇلتتىق قۇراما سپورتشىسى ك. مالينوۆسكي وڭتۇستىك كورەيانىڭ چانگۆون قالاسىندا ءوتىپ جاتقان ازيا چەمپيوناتىندا 50 مەتردەن پنيەۆماتيكالىق ۆينتوۆكامەن ءۇش پوزيتسيادان وق اتۋ باسەكەسىنىڭ فينالىندا 5-ورىننان كورىندى.

ونىڭ ەنشىسىندە 590 ۇپاي بار.

بۇل - قازاقستاندىق مەرگەندەر قول جەتكىزگەن ءۇشىنشى ليتسەنزيا. وسىعان دەيىن ازيا چەمپيوناتىندا ارينا التۋحوۆا، ال جازدا الەم چەمپيوناتىندا العاشقى جولدامانى يسلام ساتپايەۆ قورجىنعا سالعان.

نىسانا كوزدەۋدە ليتسەنزيا جەكەلەگەن سپورتشىلارعا ەمەس، ۇلتتىق فەدەراتسياعا بەرىلەدى.

جالپى، بيىلعى سارى قۇرلىق چەمپيوناتىندا وليمپيادانىڭ 24 ليتسەنزياسى ساراپقا سالىنىپ جاتىر.

ەسكە سالا كەتەيىك، بۇدان بۇرىن قازاقستاننىڭ وق اتۋدان وليمپيادا جولداماسىن العانىن جازعان بولاتىنبىز.