تاشكەنت. KAZINFORM - وزبەكستاننىڭ سيفرلىق تەحنولوگيالار ءمينيسترى شەرزود شەرماتوۆ پەن ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ جاساندى جەرسەرىكتەردى بىرلەسىپ ۇشىرۋ جونىندەگى ىنتىماقتاستىق جوسپارلارىن تالقىلادى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
كەزدەسۋ بارىسىندا ەكى ەلدىڭ ۆەدومستۆو باسشىلارى بىرلەسكەن سپۋتنيكتەر توبىن عارىشقا ۇشىرۋ مۇمكىندىگىن ءسوز ەتتى. تيىسىنشە، مينيسترلەر بۇل باستاما بويىنشا جىل سوڭىنا دەيىن ءتيىستى دەرەكتەرگە تالداۋ جۇرگىزىپ، ناقتى ۇسىنىس ازىرلەۋ تۋرالى شەشىم قابىلدادى.
سونىمەن قاتار، شەرزود شەرماتوۆ پەن جاسلان ماديەۆ سيفرلىق ءبىلىم بەرۋدى دامىتۋ جانە سيفرلىق ترانسفورماتسيا بويىنشا وڭىرلىك ىنتىماقتاستىقتى نىعايتۋ ماسەلەلەرىن تالقىلادى.
قوسا كەتسەك، بۇعان دەيىن قازاقستان مەن وزبەكستان عارىش سالاسىنداعى سەرىكتەستىكتى نىعايتۋعا نيەتتى ەكەنىن جازىپ ەدىك.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.