تاشكەنت. KAZINFORM - مەملەكەت باسشىسى قاسىم- جومارت توقايەۆتىڭ جارلىعىمەن قازاقستان مەن وزبەكستان اراسىنداعى مادەني قارىم-قاتىناستى نىعايتۋعا ۇلەس قوسقان ءبىرقاتار تۇلعا «قۇرمەت» جانە «دوستىق» وردەندەرىمەن ناگرادتالدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
پرەزيدەنت جارلىعىنا ساي، ءو ر پرەمەر- ءمينيسترىنىڭ ورىنباسارى جامشيد حودجايەۆ پەن ءور مادەنيەت ءمينيسترى وزودبەك نازاربەكوۆ - «دوستىق»، ال ءو ر جازۋشىلار وداعىنىڭ ءتوراعاسى سيروجيددين سايد پەن قازاق مادەني ورتالىعىنىڭ بۇرىنعى ءتوراعاسى دامير قالدىبايەۆ «قۇرمەت» وردەنىمەن ماراپاتتالدى.
ەڭبەگى ەلەنگەن مەملەكەت جانە مادەنيەت قايراتكەرلەرىنە ناگرادالاردى قازاقستاننىڭ وزبەكستانداعى توتەنشە جانە وكىلەتتى ەلشىسى بەيبىت اتامقۇلوۆ تابىس ەتتى. ونىڭ بارىسىندا ەكى ەلدىڭ اراسىنداعى مادەني، ادەبي بايلانىستاردىڭ بارىنشا نىعايىپ كەلە جاتقانى اتاپ ءوتىلدى.
Фото: Қазақстанның Өзбекстандағы елшілігіتاراپتار الداعى ۋاقىتتا دا بۇل باعىتتاعى قارىم-قاتىناستى ىلگەرىلەتىپ، ىنتىماقتاستىقتا جۇمىس ىستەۋگە سەنىم ءبىلدىردى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.