قازاقستان مەن ە و ەلدەرى اۋىل شارۋاشىلىعى سالاسىنداعى ساۋدا ىنتىماقتاستىعىن ارتتىرادى

 استانا. KAZINFORM - قازاقستان پرەمەر- ءمينيسترى ولجاس بەكتەنوۆ اۋىل شارۋاشىلىعى ماسەلەلەرى جونىندەگى ەۋروپالىق كوميسسار يانۋش ۆويچەحوۆسكيمەن اگروازىق-تۇلىك سالاسىنداعى ىنتىماقتاستىقتى كەڭەيتۋ ماسەلەلەرىن تالقىلادى، دەپ حابارلادى ۇكىمەتتىڭ باسپا ءسوز قىزمەتى.

كەزدەسۋگە قاتىسۋشىلار ازىق- تۇلىك قاۋىپسىزدىگىنىڭ ەرەكشە ماڭىزدى ەكەنىن اتاپ ءوتتى. ە و نارىعىنا ازىق- تۇلىك ەكسپورتىن ارتتىرۋ شارالارى، سونداي-اق ا و ك ونىمدەرىن ءوندىرۋ جانە قايتا وڭدەۋ بويىنشا بىرلەسكەن جوبالار قۇرۋ ماسەلەلەرى قارالدى.

قازاقستان مەن ە و ەلدەرى اۋىل شارۋاشىلىعى ونىمدەرىنىڭ ساپا ستاندارتتارىن ارتتىرۋ جانە فەرمەرلەردى قولداۋ ساياساتىن جالعاستىرادى. اتالعان باعىتتا وزىق اگرارلىق تەحنولوگيالاردى ەنگىزۋ سالاسىنداعى ءوزارا ءىس- قيمىلدى كۇشەيتۋ، وزگەرمەلى كليماتتىڭ اۋىل شارۋاشىلىعى سالاسىنا تەرىس اسەرىن ازايتۋ ماسەلەلەرىندە تاجىريبە الماسۋ قاجەتتىگى اتاپ ءوتىلدى.

«اگروونەركاسىپتىك كەشەن ءبىزدىڭ ەكونوميكامىزدىڭ ماڭىزدى سەكتورلارىنىڭ قاتارىنا كىرەدى. ەلىمىزدىڭ ساپالى جانە ەكولوگيالىق تازا ورگانيكالىق اۋىل شارۋاشىلىعى ونىمدەرىن ءوندىرۋ سالاسىنداعى الەۋەتىن، سونداي- اق ەۋروپا تاراپىنان ارتىپ كەلە جاتقان سۇرانىستى ەسكەرە وتىرىپ، ءبىز قازاقستاندىق تاۋارلاردى ەۋروپا نارىعىنا ەكسپورتتاۋ نومەنكلاتۋراسىن كەڭەيتۋ جونىندەگى جۇمىستى جانداندىرۋىمىز قاجەت»، - دەپ اتاپ ءوتتى ولجاس بەكتەنوۆ.

يانۋش ۆويچەحوۆسكي قازاقستاندا ينۆەستورلار ءۇشىن جاسالعان قولايلى جاعدايلاردى اتاپ ءوتىپ، ەو ەلدەرىنىڭ ەكىجاقتى ىنتىماقتاستىقتى نىعايتۋ نيەتىن راستادى. سونداي- اق ءوزارا ساۋداداعى كەدەرگىلەردى جويۋ جانە زاڭنامانى ۇيلەستىرۋ شارالارىنا نازار اۋدارىلدى.

كەزدەسۋ بارىسىندا قازاقستان مەن ەۋرووداق اراسىنداعى ەكىجاقتى تاۋار اينالىمىنىڭ وڭ ديناميكاسى ايتىلدى. جالپى، تارتىلعان ينۆەستيتسيالاردىڭ @ دان استامى جانە قازاقستاننىڭ سىرتقى ساۋداسىنىڭ شامامەن 0 ى ەو ەلدەرىنىڭ ۇلەسىنە تيەسىلى.

ءبىر جىل ىشىندە ساۋدا كولەمى %3,5 عا ءوسىپ، $41,4 ميللياردقا جەتتى، ونىڭ $31 ميللياردى قازاقستاندىق ەكسپورتقا تيەسىلى. بۇل رەتتە اۋىل شارۋاشىلىعى ونىمدەرىنىڭ ءوزارا ساۋداسىندا ەرەكشە بەلسەندىلىك بايقالادى: ينديكاتور ,4 عا ۇلعايدى.

ە و ەلدەرىنە وتاندىق وندىرۋشىلەردىڭ نەگىزگى ەكسپورتتىق تاۋارلارىنا بيداي، زىعىر تۇقىمى، راپس، وڭدەلگەن ءداندى داقىلدار جانە باسقا دا ساناتتار جاتادى. جوعارى دەڭگەيدە وڭدەلگەن ءونىم ەكسپورتىنىڭ ۇلەسىن ارتتىرۋ بويىنشا جۇمىستار جۇرگىزىلىپ جاتىر.