قازاقستان مەن رەسەي جولاۋشىلار تاسىمالىن قالپىنا كەلتىرۋ مۇمكىندىگىن قاراستىرىپ جاتىر
استانا. KAZINFORM - «رەسەي تەمىر جولدارى» كومپانياسى ت م د ەلدەرىنىڭ تەمىرجول كولىگى كەڭەسىنىڭ وتىرىسىنان كەيىن قازاقستان مەن قىرعىزستاننان ماسكەۋگە جولاۋشىلار تاسىمالىن قايتا قالپىنا كەلتىرۋ مۇمكىندىگىن زەرتتەپ جاتقانىن حابارلادى، دەپ حابارلايدى رەسەيلىك ب ا ق.
«رەسەي تەمىر جولدارى» باسشىسى ولەگ بەلوزەروۆتىڭ مالىمدەۋىنشە، قازاقستان مەن قىرعىزستاننان ماسكەۋگە جاڭا كەستە بويىنشا جولاۋشىلار پويىزدارىنىڭ قوزعالىسىن قالپىنا كەلتىرۋ جايى تالقىلانىپ جاتىر. ول سونداي-اق «سولتۇستىك- وڭتۇستىك» حالىقارالىق كولىك ءدالىزىنىڭ (ح ك د) باعىتتارىنا ەرەكشە كوڭىل بولىنەتىنىن اتاپ ءوتتى. شىعىس باعىت باسىمدىقتارىن پايدالانا وتىرىپ، رەسەي، يران، قازاقستان جانە تۇرىكمەنستان تەمىرجولدارى مۇندا تۇراقتى كونتەينەرلىك قاتىناستى دامىتىپ وتىر.
بۇعان دەيىن 2027 -جىلى قازاقستان قىتايعا جاڭا تەمىر جول قۇرىلىسىن اياقتايتىنى حابارلانعان بولاتىن.
كىرمە تەمىرجولداردى مەملەكەت مەنشىگىنە بەرۋ جۇمىستارى اياقتالعانى تۋرالى حابارلادىق.