قازاقستان مەن رەسەي شەكاراسى ماڭىندا شەگىرتكەگە قارسى كۇرەس جۇمىستارى ءجۇرىپ جاتىر

استانا. KAZINFORM - قازاقستاندا شەگىرتكە زيانكەستەرىنە قارسى جۇرگىزىلەتىن قورعانىس ءىس- شارالارىنىڭ تيىمدىلىگىن تومەندەتۋگە جول بەرمەۋ جانە تۇراقتى فيتوسانيتارلىق جاعدايدى ساقتاۋ ءۇشىن ق ر ا ش م رەسەي فەدەراتسياسىنا شەكارا ماڭىنداعى اۋماقتاردا شەگىرتكەلەردىڭ تارالۋىن باقىلاۋدى كۇشەيتۋدى سۇراپ حات جولدادى.

جاعداي ۆيتسە- پرەمەر سەرىك ءجۇمانعاريننىڭ ءجىتى باقىلاۋىندا. رەسەي فەدەراتسياسىنىڭ ورىنبور وبلىسىنىڭ گۋبەرناتورى دەنيس پاسلەرمەن جانە ەكى ەلدىڭ سالالىق ۆەدومستۆولارىمەن بىرلەسىپ قارسى ءىس- قيمىل شارالارى پىسىقتالىپ جاتىر.

ق ر اۋىل شارۋاشىلىعى ءمينيسترى ايداربەك ساپاروۆ، ر ف ۇكىمەتىنىڭ ورىنباسارى دميتريي پاترۋشيەۆ جانە ر ف اۋىل شارۋاشىلىعى ءمينيسترى وكسانا لۋت اراسىنداعى شەكارا ماڭى اۋماقتارىندا شەگىرتكەنىڭ تارالۋ قاۋپى تۋرالى كەلىسسوزدەر ناتيجەسىندە رەسەي تاراپىنان شارالاردى كۇشەيتۋ تۋرالى ۋاعدالاستىققا قول جەتكىزىلدى.

رەسەي فەدەراتسياسىنىڭ شەكارالاس اۋماقتارىنان شەگىرتكەلەردىڭ ۇشىپ كەلۋ قاۋپى جوعارى ايماق: اقتوبە وبلىسىنىڭ ايتەكە بي اۋدانى، سونداي- اق ءۇيىرلى شەگىرتكەنىڭ كوشى- قون جولدارى قوستاناي وبلىسىنىڭ ءجىتىقارا جانە دەنيسوۆ اۋداندارىنان وتەدى.

18-ماۋسىمدا اقتوبە وبلىسىندا ورىنبور وبلىسى جاعانان شەگىرتكە زيانكەستەرىنىڭ ۇشىپ كەلۋى تىركەلدى. وسىعان بايلانىستى ايتەكە بي اۋدانىندا قورعانىس شارالارى كۇشەيتىلدى. حيميالىق وڭدەۋگە جوسپارلانعان 307 مىڭ گەكتار اۋماقتىڭ 62 مىڭ گەكتارىندا جۇمىس اياقتالدى. قاجەت بولعان جاعدايدا قوسىمشا تەحنيكانى جىبەرۋگە دايىندىق جاسالدى.

وڭىرگە ءىس-قيمىلدى ۇيلەستىرۋ ءۇشىن اۋىل شارۋاشىلىعى ۆيتسە-ءمينيسترى ەرمەك كەنجەحان ۇلى جىبەرىلدى. ايتەكە بي اۋدانىندا ورىنبور وبلىسىنىڭ ۆيتسە- گۋبەرناتورىنىڭ قاتىسۋىمەن شەگىرتكە زيانكەستەرىنە قارسى بىرلەسكەن شارالار ماسەلەلەرى بويىنشا جەدەل كەڭەس وتەدى.

قازىرگى ۋاقىتتا ق ر اۋىل شارۋاشىلىعى ءمينيسترى ايداربەك ساپاروۆ ۇلىتاۋ وبلىسىندا جۇمىس ساپارىمەن ءجۇر، سودان كەيىن جۇمىس بارىسىن باقىلاۋ ءۇشىن اقتوبە وبلىسىنا بارادى.

جالپى قازاقستاندا 19-ماۋسىمداعى جاعداي بويىنشا وڭدەۋ جۇمىستارى جوسپارعا ساي جۇرگىزىلىپ جاتىر. حيميالىق وڭدەۋ 1,5 ميلليون گا الاڭدا جۇرگىزىلدى، ونىڭ ىشىندە قوستاناي وبلىسىندا - 240 مىڭ گ ا، اقتوبە وبلىسىندا - 469,8 مىڭ گ ا.

باسقا شەكارالاس ايماقتاردا دا قورعانىس شارالارى جالعاسىپ جاتىر. اتاپ ايتقاندا، باتىس قازاقستان وبلىسىندا 93 مىڭ گا، اتىراۋ وبلىسىندا 70 مىڭ گا، اباي وبلىسىندا 33 مىڭ گا جانە ت. ب. وڭدەلدى.

اۋماقتاردى مونيتورينگتىك تەكسەرۋ شارالارى جالعاسىپ جاتىر.