قازاقستان مەن رەسەي شەكاراداعى ينفراقۇرىلىم وزگەرىستەرىن كەلىسىپ وتىرماق
استانا. KAZINFORM - اشىق ن ق ا پلاتفورماسىنا قازاقستان مەن رەسەي اراسىنداعى تەمىرجول كولىگىن جانە ينفراقۇرىلىمىن، اۆتوموبيل جولدارىن، مەملەكەتتىك شەكارا ارقىلى اۆتوموبيل جانە تەمىرجول وتكىزۋ پۋنكتەرىن دامىتۋ سالاسىنداعى ءوزارا ءىس-قيمىلدى ۇيىمداستىرۋ تۋرالى كەلىسىم جوباسى تالقىعا شىعارىلدى.
قۇجات قابىلدانعان جاعدايدا تاراپتار شەكارالىق ينفراقۇرىلىمداعى كەز كەلگەن وزگەرىستى كەلىسەتىن بولادى.
كەلىسىمنىڭ ماقساتى - قازاقستان رەسپۋبليكاسى مەن رەسەي فەدەراتسياسى اراسىنداعى تەمىرجول كولىكتى جانە ينفراقۇرىلىمىن، اۆتوموبيل جولدارىن، سونداي-اق قازاقستان مەن رەسەي اراسىنداعى مەملەكەتتىك شەكارا ارقىلى اۆتوموبيل جانە تەمىرجول وتكىزۋ پۋنكتەرىن دامىتۋ سالاسىنداعى ءوزارا ءىس-قيمىلىن ۇيىمداستىرۋ، سونداي-اق وسى كەلىسىمگە سايكەس بەكىتىلەتىن ءىس-شارالار جوسپارلارىن (جول كارتاسىن) ىسكە اسىرۋ.
كەلىسىمدى ىسكە اسىرۋدى ەكى ەلدىڭ كولىك مينيسترلىكتەرى ۇيلەستىرەدى.
ءىس-شارالار جوسپارىنا تەمىرجول كولىگىن جانە تەمىرجول كولىگىنىڭ ينفراقۇرىلىمىن دامىتۋ، تاراپتار مەملەكەتتەرىنىڭ اۋماقتارىندا ورنالاسقان اۆتوموبيل جولدارىنىڭ ۋچاسكەلەرىن دامىتۋ، قازاقستان-رەسەي مەملەكەتتىك شەكاراسى ارقىلى اۆتوموبيل وتكىزۋ پۋنكتەرىن دامىتۋ، قازاقستان-رەسەي مەملەكەتتىك شەكاراسى ارقىلى تەمىرجول وتكىزۋ پۋنكتەرىن دامىتۋ شارالارى كىرەدى.