ءماجىلىستىڭ جالپى وتىرىسىندا 1993-جىلدىڭ 14- قاڭتارىنداعى قازاقستان مەن قىتاي اراسىنداعى ازاماتتىق جانە قىلمىستىق ىستەر بويىنشا قۇقىقتىق كومەك كورسەتۋ تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى قارالدى، دەپ حابارلادى Halyq Uni ءتىلشىسى.
دەپۋتات سنەجاننا يماشيەۆا قۇجاتتىڭ ماڭىزىن ءتۇسىندىردى.
«اتالعان حاتتامامەن «1993-جىلعى 14- قاڭتارداعى قازاقستان مەن قىتاي حالىق رەسپۋبليكاسى اراسىنداعى ازاماتتىق جانە قىلمىستىق ىستەر بويىنشا قۇقىقتىق كومەك كورسەتۋ تۋرالى شارتقا وزگەرىستەر ەنگىزىلگەن. بۇل وزگەرىستەر قازاقستان اۋماعىندا شەتەلدىك سوتتاردىڭ شەشىمدەرى مەن ءوتىنىش حاتتارىن ورىنداۋ سالاسىندا قۇقىقتىق كومەك كورسەتۋ بويىنشا سوت ورگاندارىنىڭ فۋنكتسيالارىن ناقتىلاۋعا جانە ەكى تاراپتىڭ قۇزىرەتتى ورگاندارىن وزگەرتۋگە قاتىستى. كوميتەت زاڭ جوباسىن جۇمىسقا الۋعا دايىن»، - دەدى ماجىلىستەگى زاڭناما جانە سوت-قۇقىقتىق رەفورما كوميتەتىنىڭ ءتوراعاسى.
دەپۋتاتتار زاڭ جوباسىن تالقىلاۋدى قولعا الدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.