قازاقستان مەن قىتاي ماڭعىستاۋ وبلىسىندا ەلەكتر ستانتسياسىن سالادى
استانا. قازاقپارات - «KAZAKH INVEST» ۇ ك» ا ق باسقارما ءتوراعاسى ەرجان ەلەكەيەۆ ماڭعىستاۋ وبلىسىنداعى ەلەكتر ەنەرگياسى تاپشىلىعى ماسەلەسىن قالاي شەشۋ جوسپارىن ايتتى.
ول بىرنەشە جىل بۇرىن ماڭعىستاۋ وبلىسىندا ەلەكتر ەنەرگياسىنىڭ ءوشۋى پروبلەماسى بولعانىن ەسكە سالدى. 2023-جىلى وڭىردەگى ەلەكتر قۋاتىن ءوندىرۋدى تۇراقتاندىرۋ ءۇشىن Kazakh Invest قىتايلىق China Huadian Corporation كومپانياسىمەن كەلىسسوزدەر باستادى. سونىڭ ناتيجەسىندە ماڭعىستاۋ وبلىسىندا ب ۋ- گازدى ستانتسياسىن سالۋ جوسپارى بار. ەكىنشى كەزەڭدە جەل ەلەكتر ستانتسياسىن ىسكە قوسۋ ەسكەرىلگەن.
«بۇل ەكى جۇيە ءوزارا بايلانىستى بولادى. نەگىزگى ەلەكتر ەنەرگياسى جەلدەن الىناتىن بولادى. ءبىراق كليمات وزگەرگەن كەزدە، سول ۋاقىتتا ب ۋ- گازدى ستانتسياسى قوسىلادى. وسىلايشا، ب ۋ- گازدى ستانتسيا ءتيىستى كەزەڭدە جۇمىس ىستەيتىن بولادى»، - دەد ە. ەلەكەيەۆ قازاقستان-قىتاي ىسكەرلىك كەڭەسى كەزىندە تىلشىلەر سۇراعىنا جاۋاپ بەرە وتىرىپ.
2024-جىلى قۇرىلىسقا دايىندىق باستالدى. جوبا 2025-جىلدىڭ اياعىندا نەمەسە 2026-جىلدىڭ باسىندا پايدالانۋعا بەرىلەدى. قازاقستاننان جوباعا «م ا ە ك» ج ش س، ال قىتايدان China Huadian Corporation-نىڭ ەنشىلەس ۇيىمدارىنىڭ ءبىرى قاتىسىپ جاتىر. قۇرىلىس نەسيە قاراجاتى ەسەبىنەن قارجىلاندىرىلادى. نەسيەنى قىتايدىڭ مەملەكەتتىك بانكتەرىنىڭ ءبىرى 15-25 جىلعا 5 پايىزدان تومەن مولشەرلەمەمەن بەرەدى.
دەگەنمەن، قارجىلاندىرۋدىڭ ناقتى كولەمى ءالى جاريالانعان جوق. قارىزدى قايتارۋ تاريف ەسەبىنەن جۇزەگە اسىرىلماق.
«بولاشاقتا وسىنداي جوبالاردى ناقتى كورەمىز. قازىر ونى پيلوتتىق رەجيمدە ىسكە قوسۋ وتە ماڭىزدى. جوعارىدا ايتقانىمداي، بۇل - يننوۆاتسيالىق جوبا. سوندىقتان، پيلوتتىق رەجيمدە ءبىز ونى ەلەكتر ەنەرگياسى ماسەلەسى وتە وتكىر تۇرعان ماڭعىستاۋ وبلىسىنان باستادىق»، - دەيدى ەرجان ەلەكەيەۆ.