قازاقستان مەن قىتاي اراسىنداعى اگرونەركاسىپ ونىمدەرىنىڭ ساۋدا اينالىمى 12 پايىزعا ارتقان
استانا. KAZINFORM - قازاقستاننىڭ اۋىل شارۋاشىلىعى ءمينيسترى ايداربەك ساپاروۆ قىتاي حالىق رەسپۋبليكاسىنىڭ دامۋ جانە رەفورمالاۋ مەملەكەتتىك كوميتەتىنىڭ ەكونوميكا جانە ساۋدا دەپارتامەنتىنىڭ ديرەكتورى ۋاڭ جيانسزيۋنمەن كەزدەستى.
ايداربەك ساپاروۆ اۋىل شارۋاشىلىعى سالاسىنداعى ىنتىماقتاستىق قازاقستان مەن قىتاي اراسىنداعى قارىم- قاتىناستىڭ ماڭىزدى بولىگى ەكەنىن اتاپ ءوتتى.
2023 -جىلدىڭ قورىتىندىسى بويىنشا اوك ونىمدەرىنىڭ ساۋدا اينالىمى 1,7 ەسە ءوسىپ، 1,3 ميلليارد دوللاردان استى. 2024 -جىلدىڭ قاڭتار- ماۋسىم ايلارىندا قازاقستان مەن قىتاي اراسىنداعى اوك ونىمدەرىنىڭ ساۋدا اينالىمى 648,1 ميلليون ا ق ش دوللارىن قۇرادى، بۇل 2023 -جىلدىڭ سايكەس كەزەڭىمەن سالىستىرعاندا عا كوپ، ونىڭ ىشىندە ەكسپورت - 460 ميلليون ا ق ش دوللارى، يمپورت - 188 ميلليون ا ق ش دوللارى.
«قىتاي نارىعى قازاقستاننىڭ اۋىل شارۋاشىلىعى ونىمدەرىن، اسىرەسە، ءداندى داقىلداردى ەكسپورتتاۋ ءۇشىن وتە قىزىقتى. ەكى ەلدىڭ باسشىلارىنىڭ كەلىسىمى بويىنشا ءداندى داقىلداردىڭ ەكسپورت كولەمىن 2 ميلليون تونناعا دەيىن ۇلعايتۋ تۋرالى تاپسىرما بار. ءبىز 3 ميلليون توننا ءداندى داقىل جەتكىزۋگە دايىنبىز جانە جالپى العاندا بۇل باعىتتاعى ەكى جاقتى ءتيىمدى ىنتىماقتاستىق ءۇشىن بارلىق جاعدايدى جاساۋعا دايىنبىز»، - دەدى مينيستر.
ءوز كەزەگىندە ۆان تسزيانتسزيۋن قازاقستانعا كەلگەن دەلەگاتسيانىڭ نەگىزگى ماقساتى قازاقستان مەن قىتاي اراسىنداعى بيداي ساۋداسى ماسەلەلەرى بويىنشا پوتەنتسيالدى پايدالانۋ تۋرالى كەلىسسوزدەر جۇرگىزۋ ەكەنىن اتاپ ءوتتى.
«قازاقستان ستراتەگيالىق سەرىكتەس جانە ءداندى داقىلداردىڭ ءىرى جەتكىزۋشىسى. ءبىز يمپورت كولەمىن انىقتاۋدى جوسپارلاپ وتىرمىز جانە جەتكىزىلىمدەر تۇراقتى نەگىزدە جۇرگىزىلسىن دەپ تىلەيمىز»، - دەدى ۆان تسزيانتسزيۋن.
تاراپتار قازاقستان- قىتاي بيداي ساۋداسى ىنتىماقتاستىعىن دامىتۋ، لوگيستيكا ماسەلەلەرىن تالقىلادى.
قوسىمشا ايتا كەتۋ كەرەك، قازىرگى ۋاقىتتا قازاقستان قىتاي نارىعىنا 28 ءتۇرلى وسىمدىك شارۋاشىلىعى جانە مال شارۋاشىلىعى ونىمدەرىن ەكسپورتتاۋ تۋرالى حاتتامالارعا قول قويعان.
سونىمەن قاتار، قىتايعا ەكسپورتتاۋ قۇقىعى بار كاسىپورىندار تىزىلىمىنە بارلىعى 1990 قازاقستاندىق ەكسپورتتاۋشى كاسىپورىن، ونىڭ ىشىندە 1948 وسىمدىك شارۋاشىلىعى ونىمدەرىن وندىرەتىن كاسىپورىن جانە 42 مال شارۋاشىلىعى ونىمدەرىن وندىرەتىن كاسىپورىن كىرەدى.