قازاقستان مەن ماكاو ازاماتتارى ەندى ەلگە ۆيزاسىز كىرە الادى

استانا. قازاقپارات - 24 -قازاندا قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ماكاو ارنايى اكىمشىلىك اۋدانىنىڭ ۇكىمەتى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىم ءوز كۇشىنە ەندى. بۇل تۋرالى ق ر س ءى م باسپا ءسوز قىزمەتى مالىمدەدى.

«كەلىسىم قولدانىستاعى ۇلتتىق پاسپورتتارى بار ەكى تاراپتىڭ ازاماتتارىنا 14 (ون ءتورت) كۇنتىزبەلىك كۇن ىشىندە ۆيزاسىز ءبىر-ءبىرىنىڭ اۋماعىنا كەدەرگىسىز كىرۋگە، شىعۋعا، ترانزيتپەن جۇرۋگە جانە بولۋعا مۇمكىندىك بەرەدى»، - دەلىنگەن حابارلامادا.

الايدا، ۆيزاسىز رەجيم ەڭبەك قىزمەتىنە، وقۋعا جانە تۇراقتى تۇرۋعا قولدانىلمايتىنىن ەستە ۇستاعان ءجون.

ەگەر ماكاو اۋماعىندا 14 كۇننەن ارتىق ءجۇرۋدى جوسپارلاساڭىز، ءتيىستى كىرۋ ۆيزاسىن الدىن الا راسىمدەۋ قاجەت.

بۇل كەلىسىم تۋريستىك، ىسكەرلىك جانە مادەني بايلانىستاردى دامىتۋ ءۇشىن جاڭا كوكجيەكتەر اشادى.

ەسكە سالا كەتەيىك، بۇعان دەيىن قىتاي ەۋرو وداقتىڭ ءتورت ەلىنە ۆيزاسىز رەجيم ەنگىزگەنىن حابارلاعان بولاتىنبىز.