قازاقستان مەن ۇلىبريتانيا سىرتقى ساياسي ۆەدومستۆولارى باسشىلارىنىڭ كەلىسسوزدەرى باستالدى
18:27, 24 - ءساۋىر 2024
استانا. KAZINFORM - قازاقستان مەن ۇلىبريتانيانىڭ سىرتقى ساياسي ۆەدومستۆولارى باسشىلارىنىڭ كەلىسسوزدەرى باستالدى.
ق ر سىرتقى ىستەر مينيسترلىگى باسپا ءسوز قىزمەتىنىڭ حابارلاۋىنشا، ساپار اياسىندا مۇرات نۇرتىلەۋ مەن دەۆيد كەمەروننىڭ شاعىن جانە كەڭەيتىلگەن قۇرامداعى كەلىسسوزدەرى جوسپارلانعان، سونداي-اق ەكىجاقتى قۇجاتتارعا قول قويىلادى.
وسىعان دەيىن ۇلىبريتانيا جانە سولتۇستىك يرلانديا قۇراما كورولدىگىنىڭ سىرتقى ىستەر، دوستاستىق جانە حالىقارالىق دامۋ ءمينيسترى دەۆيد كەمەرون استاناعا رەسمي ساپارمەن كەلگەنى حابارلاندى.