قازاقستان مەن فرانسيا پرەزيدەنتتەرى بىرلەسكەن دەكلاراتسيا قابىلدادى
پاريج. KAZINFORM - باسپاءسوز بريفينگى اياقتالعان سوڭ قازاقستان مەن فرانسيا پرەزيدەنتتەرى ستراتەگيالىق سەرىكتەستىكتى ودان ءارى جانداندىرۋعا باعىتتالعان بىرلەسكەن دەكلاراتسيا قابىلدادى.
بۇدان كەيىن مەملەكەتتەر باسشىلارىنىڭ قاتىسۋىمەن كەلەسى قۇجاتتارعا قول قويىلدى:
1. قازاقستان رەسپۋبليكاسىنىڭ ۇكىمەتى مەن فرانسۋز رەسپۋبليكاسىنىڭ ۇكىمەتى اراسىنداعى رەادميسسيالاۋ تۋرالى كەلىسىم؛
2. اسا ماڭىزدى ماتەريالدار مەن رەسۋرستار بويىنشا قازاقستان مەن فرانسيانىڭ ستراتەگيالىق ىنتىماقتاستىعىنىڭ جول كارتاسى؛
3. «سامۇرىق-قازىنا» ۇلتتىق ءال-اۋقات قورى» اكسيونەرلىك قوعامى مەن Société Generale S.A. كومپانياسى اراسىنداعى ستراتەگيالىق ىنتىماقتاستىق تۋرالى كەلىسىم؛
4. «قازاقستان تەمىر جولى» ۇلتتىق كومپانياسى» اكسيونەرلىك قوعامى مەن «Alstom Transport SA» كومپانياسى اراسىنداعى 6 ءوستى ەلەكتروۆوزدار بويىنشا ستراتەگيالىق ىنتىماقتاستىق تۋرالى كەلىسىم؛
5. ءا. ح. مارعۇلان اتىنداعى ارحەولوگيا ينستيتۋتى مەن ۇلتتىق پريەۆەنتيۆتى ارحەولوگيالىق زەرتتەۋلەر ينستيتۋتى (INRAP) اراسىنداعى ارحەولوگيا سالاسىنداعى ىنتىماقتاستىق تۋرالى كەلىسىم حاتتاماسى.
پرەزيدەنت قاسىم-جومارت توقايەۆتىڭ پاريجگە مەملەكەتتىك ساپارى اياسىندا ەكى ەل دەلەگاتسياسىنىڭ مۇشەلەرى 36 قۇجاتقا قول قويدى. ونىڭ ىشىندە جالپى سوماسى 2,2 ميلليارد دوللاردى قۇرايتىن 1 ۇكىمەتارالىق، 21 ۆەدومستۆوارالىق جانە 14 كوممەرتسيالىق قۇجات بار.
اۆتور
اسحات رايقۇل