قازاقستان مەن ب ا ءا ەنەرگەتيكا سالاسىنداعى ستراتەگيالىق سەرىكتەستىك مارتەبەسىن راستادى
ۆەنا. قازاقپارات – 10-شىلدە 2025-جىل - وپەك حالىقارالىق سەمينارى اياسىندا ق ر ەنەرگەتيكا ءمينيسترى ەرلان اقكەنجانوۆ پەن ب ا ءا ەنەرگەتيكا جانە ينفراقۇرىلىم ءمينيسترى سۋحەيل ءال-مازرۋي كەزدەستى.
قوس تاراپ ىنتىماقتاستىقتىڭ سەرپىندى دامۋىن جوعارى باعالاپ، ونى ارىپتەستىكتىڭ جارقىن ۇلگىسى دەپ اتادى.
كەلىسسوزدە ب ا ءا- ءنىڭ جەتەكشى كومپانياسى Masdar- دىڭ قاتىسۋىمەن جۇزەگە اسىرىلىپ جاتقان جامبىل وبلىسىنداعى قۋاتتىلىعى 1 گۆت بولاتىن جەل ەلەكتر ستانتسياسى قۇرىلىسى تالقىلاندى.
ەرلان اقكەنجانوۆ بۇل ستراتەگيالىق جوبانى قازاقستان بيلىگى جان-جاقتى قولدايتىندىعىن جەتكىزدى. جوباعا بۇرىن-سوڭدى بولماعان باسىمدىقتار بەرىلگەنىن ايتىپ، ۇكىمەتارالىق كەلىسىمنىڭ وتە قىسقا مەرزىمدە بەكىتىلگەنىن تىلگە تيەك ەتتى. بۇل - قازاقستان تاراپىنىڭ ءوز مىندەتتەمەلەرىنە ادالدىعىن كورسەتەدى.
سۋحەيل ءال-مازرۋي ءوز كەزەگىندە جاسالعان قولايلى جاعدايعا العىسىن ءبىلدىرىپ، Masdar كومپانياسى جوبانى جوسپارعا ساي جۇزەگە اسىراتىنىن جەتكىزدى.
- ب ا ءا، سونىڭ ىشىندە Masdar كومپانياسىمەن ارىپتەستىگىمىز - ورتاق سەنىم مەن تابىستىڭ جارقىن ۇلگىسى. بۇل جوبا وڭىردەگى جاڭارتىلاتىن ەنەرگيا كوزدەرى (ج ە ك) سالاسىنداعى ەڭ ءىرى باستاما جانە «جاسىل» ەنەرگەتيكا سالاسىنداعى ىنتىماقتاستىقتى ودان ءارى ارتتىرۋعا نەگىز بولادى. ءبىز ب ا ءا ەكونوميكامىزدى دەكاربونيزاتسيالاۋ ماقساتتارىنا جەتۋدەگى نەگىزگى ستراتەگيالىق سەرىكتەسىمىز دەپ سانايمىز، - دەدى ەرلان اقكەنجانوۆ.
بۇعان دەيىن ۇكىمەتتە ەنەرگەتيكالىق، اقپاراتتىق-كوممۋنيكاتسيالىق جوبالاردىڭ جۇزەگە اسىرىلۋ بارىسى قارالعانىن جازعان ەدىك.