قازاقستان مەن اۋعانستان ساۋدا اينالامىن 3 ميلليارد دوللارعا جەتكىزۋدى كوزدەپ وتىر

استانا. KAZINFORM - قازاقستان رەسپۋبليكاسىنىڭ ۆيتسە-پرەمەرى سەرىك جۇمانعارين قازاقستاندىق «زامان» بانكى مەن اۋعانستاندىق «گازانفار» بانكى العاشقى سىناق تولەمىن جاساعانىن مالىمدەدى.

بانكتەر اراسىندا تاۋلىك ىشىندە 10 مىڭ دوللار كولەمىندە سىناق تولەمى جاسالدى.

كەلەسى كەزەڭ - ەۋرو مەن قىتاي يۋانىن قوسا العاندا، ۇلكەن سومالار جانە ءارتۇرلى ۆاليۋتالار اپروباتسياسى.

«تاۋار اينالىمىن 3 ميلليارد دوللارعا دەيىن ۇلعايتۋ تاياۋ بولاشاقتا شىندىققا اينالادى»، - دەپ اتاپ ءوتتى سەرىك جۇمانعارين.

وسىعان دەيىن قازاقستاننىڭ اۋعانستانعا اۆتوكولىك ەكسپورتتاۋدى كوزدەپ وتىرعانىن جەتكىزدىك.

«اۋعان تاراپىنىڭ ۇسىنىسى بويىنشا، ءبىز قازاقستاندا وندىرىلگەن اۆتوكولىك قۇرالدارىن اۋعانستانعا جەتكىزىپ، كەيىننەن ولاردى اۋعانستاندا قىزمەت كورسەتۋ ورتالىقتارىمەن بىرگە ورنالاستىرۋ ماسەلەسىن قاراستىرۋعا دايىنبىز»، - دەدى ۆيتسە- پرەمەر.

اۆتور

زارينا تۋعانبايەۆا