استانا. KAZINFORM - ىشكى ىستەر مينيسترلىگى وقۋ 2023-2024 وقۋ جىلىندا 1700-دەن استام جات ارەكەت كوشباسشىلارىن ەسەپكە العان. ۆەدومستۆونىڭ رەسمي وكىلى شىڭعىس الەكەشيەۆ كەزەكتى ونلاين باسپا ءسوز ءماسليحاتىندا وسىنداي دەرەك كەلتىردى.
«وقۋ جىلىنىڭ باسىنان باستاپ جات ارەكەتتەر جاساۋعا بەيىم، جاسوسپىرىمدەر اراسىنداعى 1700-دەن استام بەيرەسمي كوشباسشى انىقتالدى. ونىڭ بارلىعى ىشكى ىستەر ورگاندارىنىڭ باقىلاۋىنا الىندى. كامەلەتكە تولماعاندار تاراپىنان جاسالعان بوپسالاۋدىڭ 17 فاكتىسى توقتاتىلدى»، - دەدى رەسمي وكىل.
ش. الەكەشيەۆ ىشكى ىستەر مينيسترلىگى بالالاردىڭ قۇقىقتىق ساۋاتىن ارتتىرۋعا ەرەكشە كوڭىل ءبولىپ وتىرعانىن ايتادى.
«وقۋ پروتسەسى كەزىندە مەكتەپتەردە وقۋشىلارمەن جانە ولاردىڭ اتا- اناسىمەن تۇراقتى تۇردە دارىستەر وتكىزىلەدى»، - دەدى ول.
اۆتور
ەسىمجان ناقتىباي
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан